រដ្ឋមន្ត្រីក្រសួងសុខាភិបាលរបស់ ប្រទេសម៉ាលី បាននិយាយឲ្យដឹងថា ប្រទេសនេះឥឡូវ គឺគ្មានមេរោគ អេបូឡានោះទេ បន្ទាប់ពី តាមដានពិនិត្យ ៤២ ថ្ងៃមិនបានឃើញសញ្ញាអ្វីឡើយ នោះ។
លោក Ousmane Kone បាននិយាយថា ខ្ញុំសូមប្រកាសនៅថ្ងៃនេះ ចុងបញ្ចប់នៃការរីករាលដាលនៃជំងឺ Ebola ត្រូវបានបញ្ចប់ នៅក្នុងប្រទេសនេះ។
អ្នកជំងឺអេបូឡាដែលរកឃើញចុងក្រោយគេបំផុត នៅក្នុងប្រទេស ម៉ាលី គឺរកឃើញ នៅដើមខែ ធ្នូ ។
តួរលេខចុងក្រោយនេះ បានបញ្ជាក់យ៉ាងច្បាស់ថា បណ្តាប្រទេសអាហ្វ្រិកខាងលិច ទាំងបី គឺរងផលប៉ះពាល់អាក្រក់បំផុត ខណៈដែលមេរោគ អេបូឡាវាយប្រហារ ។
ប្រទេសសេរ៉ាឡេអូន និង ហ្គីណេ មេរោគអេបូឡា បានថយចុះ បន្ទាប់ពី មេរោគនេះយាយី តាំងពីខែសីហា ។ នេះ បើតាមតួរលេខរបស់ UN ដែលចុះផ្សាយ នៅថ្ងៃ ព្រហស្បតិ៍។
ប្រទេសលីបេរីយ៉ា បានរាយការណា៍ គ្មានករណី ជំងឺនេះរីករាលដាលនោះទេ កាលពីសប្តាហ៍កន្លងទៅនេះ ដោយវាចាប់ផ្តើមធ្លាក់ចុះ ចាប់តាំងពី វាយប្រហារនៅខែ មិថុនា ។
សរុបអ្នកសា្លប់ដោយសារតែជំងឺ អេបូឡា បានកើនដល់ ៨៤២៩ ករណី ក្នុងចំណោម អ្នកជំងឺ ២១២៩៦ ករណី។
ប្រទេសម៉ាលី បានរកឃើញរោគសញ្ញានេះដំបូង នៅ ខែ តុលា នៅពេលដែលក្មេងប្រុសអាយុ ២ ឆ្នាំម្នាក់មកពីហ្គីណេបានធ្លាក់ខ្លួនឈឺ និងស្លាប់។
នៅពេលដែលលេចរោគសញ្ញានេះ ខាងប្រទេសម៉ាលី បានស៊ើបអង្កេតលើ ៣០០ ករណី ។ ក៏ប៉ុន្តែពេលនេះ រដ្ឋមន្ត្រីក្រសួងសុខាភិបាលរបស់ ប្រទេសម៉ាលី បានចេញមុខប្រកាសថា គ្មានករណីថ្មីកើតឡើងនោះទេ ៕
មតិយោបល់