ភ្នំពេញៈ បុរសម្នាក់បានជិះម៉ូតូរេពេញផ្លូវ តាមផ្លូវលេខ ២៧១ ក្នុងទិសដៅពី ត្បូងទៅ ជើង ដោយសារតែខ្លួនស្រវឹង ហើយជិះលឿនទៀតនោះ ក៏ធ្វើឲ្យជ្រុលចង្កួចម៉ូតូ ទៅបុកនិងខឿនផ្លូវ បោកដួលរងរបួសធ្ងន់។

ហេតុការណ៍នេះ កើតឡើងកាលពីវេលាម៉ោង ១០យប់ថ្ងៃទី ២០ ខែកក្កដា ឆ្នាំ ២០១៦ ស្ថិតតាមបណ្តោយផ្លូវលេខ ២៧១ ក្នុងសង្កាត់បឹងសាឡាង ខណ្ឌទួលគោក ទល់មុខ មុខសាលាសាមគ្គីជាសុីម ។ បន្ទាប់កើតហេតុ ដោយស្ថានភាពធ្ងន់ធ្ងរពេកប្រជាពលរដ្ឋម្តុំនោះ ក៏លើកជនរងគ្រោះដាក់លើម៉ូតូកង់បី បញ្ជូនទៅមន្ទីពេទ្យរុស្សី ដើម្បីសង្គ្រោះ ហើយចំណែកម៉ូតូជនរងគ្រោះនេះម៉ាក គុបជ្រុង ពណ៌ទឹកប៊ិច ពាក់ស្លាក់លេខ ភ្នំពេញ 1AP- 4153 ត្រូវបានសមត្ថកិច្ចដឹកយកទៅរក្សាទុករងចាំបងប្អូនមកទទួលយកទៅវិញផងដែរ៕