ខេត្តកណ្តាល៖ ស្ត្រីម្នាក់បានស្លាប់ក្នុងថ្លុកឈាម យ៉ាងអណោធអធ័ម ខណៈដែលប្តីកំណាចអប្រីយ៍លើកដៃកាប់ប្រពន្ធ ដែលរួមរស់ជាគ្នាអស់ច្រើនឆ្នាំមកហើយបណ្តាលអោយលិតជង្គងស្លាប់ភ្លាមៗនៅចំណុចក្រោមផ្ទះវេលាម៉ោង១០.៣០នាទីថ្ងៃទី២៥ខែមករាឆ្នាំ២០១៥។ មន្ត្រីនគបាលស្រុកបានអោយដឹងថា ជនរងគ្រោះមានឈ្មោះ ហ៊ីង រឿន ភេទស្រីអាយុ៥៣ឆ្នាំជាប្រពន្ធរស់នៅភូមិឃ្លាំងមឿងជើង ឃុំព្រែកអំពិល ស្រុកខ្សាច់កណ្តាល ខេត្តកណ្តាល។ ជនល្មើសឈ្មោះ រិត ជ្រើន ភេទប្រុសអាយុ៥៨ឆ្នាំជនជាតិខ្មែរ មុខរបរកសិករ នៅភូមិឃុំជាមួយគ្នា។
អ្នកជិតខាងនិយាយថា បុរសជាប្តីបានឈ្លោះប្រកែកជាមួយប្រពន្ធញ៉ឹកញាប់ ជាយូរមកហើយដល់ពេលថ្ងៃកើតហេតុជនល្មើស ចោទប្រកាន់ប្រពន្ធថាមានសាហាយស្មន់ហើយតែងតែមានទំនាស់ពាក្យសំដីជាមួយគ្នាជាញឹកញាប់ លុះដល់ថ្ងៃកើតហេតុ កំពុងជម្លោះពាក្យសំដីមិនដឹងជាខឹងអីប្តីចិត្តអប្រីយ៍ បានយកកាំប៉ិតខ្វែវកាប់ប្រពន្ធចំនួនពីកាំប៉ិត ដាច់ថ្ពាល់ឆ្វេងពីគុម្ពត្រជៀកដល់បបូលមាត់ហើយរត់គេចខ្លួនបាត់។
មន្ត្រីនគបាលបានបន្តថា កន្លងមកជនរងគ្រោះនិងជនល្មើស តែងតែមានទំនាស់ជាមួយគ្នាជាញឹកញាប់ ដោយជនល្មើសជាប្តីបានប្រចណ្ឌប្រពន្ធថា មានសាហាយស្មន់ពេលដល់ថ្ងៃទី២៥.ខែមករាឆ្នាំ២០១៥វេលាម៉ោង១០.នឹង៣០នាទី អ្នកទាំងពីរនាក់មានទំនាស់និងគ្នា នៅក្រោមផ្ទះ ពេលនោះកូនស្រីបង្កើតឈ្មោះជ្រើន អូនអាយុ២៤ឆ្នាំបានចូលមកឃាត់ដោយស្រែកថាម៉ែនឹងពុកឯងម៉េចចេះតែឈ្លោះគ្នាអញ្ជឹង ស្រាប់តែអ្នកទាំងពីរមិនស្តាប់ទេ ភ្លាមនោះជនល្មើសជាប្តី បានទាញកាំបិទខ្វែវមកកាប់ជនរងគ្រោះ ត្រូវថ្ពាល់ឆ្វេងដាច់ពីគុម្ពត្រជៀកដល់បបូរមាត់ បណ្តាលអោយជនរងគ្រោះដួលលុតជង្គង់ បន្ទាប់មកជនល្មើសកាប់១កាំបិតទៀតត្រូវចំមុខពីក្បាល រហូតដល់ចង្កាជំរៅដាច់ឆ្អឹងលលាដ៍ក្បាល បណ្តាលអោយស្លាប់នៅនិងកន្លែងរួចជនល្មើសបានរត់គេចខ្លួនបាត់បន្សល់នៅសាកសពប្រពន្ធ៕
មតិយោបល់