ពីមួយត្រីមាស ទៅមួយត្រីមាស ប្រាក់ចំណូល និងចំណេញរបស់ Facebook ចេះតែកើនឡើង ហើយក្រុមអ្នកវិនិយោគកាន់តែងាកមកចាប់អារម្មណ៍ និងធ្វើការវិនិយោគជាមួយ Facebook កាន់តែច្រើន
រហូតដល់មានសំណួរមួយចំនួនបានចោទសួរថា ហេតុអ្វីបានក្រុមអ្នកវិនិយោគចាប់អារម្មណ៍លើ Facebook ជាង Google, Amazon, Microsoft…?
លោក Ben Schachter មកពីស្ថាប័នស្រាវជ្រាវ Macquarie Research filed បាននិយាយថា អ្នកវិនិយោគទុនជាច្រើនចូលចិត្ត Facebook ជាង Google, Amazon នោះដោយសារតែក្រុមហ៊ុន Facebook មានចក្ខុវិស័យ និងបានពន្យល់ច្បាស់ពីគោលដៅសម្រាប់គម្រោងនាពេលអនាគត ពោលគឺបង្ហាញពីគោលដៅ និងព័ត៌មានលម្អិតសម្រាប់អនាគតទាំងអស់ដល់ក្រុមអ្នកវិនិយោគ ដែលជាហេតុធ្វើឲ្យក្រុមវិនិយោគមានទំនុកចិត្ត។
មិនត្រឹមតែប៉ុណ្ណោះទេ Facebook នៅមានចំណុចល្អជាច្រើន ដូចជាការផ្ដល់ឱកាសដល់អ្នកវិនិយោគ ជាពិសេសគឺគិតពីប្រយោជន៍រួម មិនចង់ចំណេញតែឯង ហើយចំណុចមួយទៀតដែលក្រុមអ្នកវិនិយោគសម្លឹងឃើញនោះគឺថា Facebook ជាក្រុមហ៊ុនមួយដែលចេះមើលថែរក្សា បុគ្គលិក ចេះលើកទឹកចិត្ត ចេះផ្ដល់ឱកាស និងផ្ដល់ភាគលាភ ពោលគឺបុគ្គលិកមិនមែនធ្វើការដើម្បីស៊ីតែប្រាក់ខែនោះទេគឺពួកគេមានភាគហ៊ុន ដូច្នេះការខិតខំប្រឹងប្រែងរបស់បុគ្គលិកគឺដើម្បីផលប្រយោជន៍របស់ពួកគេផងដែរ។
គួរបញ្ជាក់ផងដែរថា បច្ចុប្បន្ននេះ Facebook មានអ្នកប្រើប្រាស់រហូតដល់ ១,៣៥ពាន់លាននាក់ ដោយក្នុងនោះអ្នកប្រើភាគច្រើនត្រូវបានគេដឹងថា នៅអាមេរិក និងឥណ្ឌា៕
ព័ត៌មានជាតិ
មតិយោបល់