ភ្នំពេញ៖ អាជ្ញាធរជាតិអប្សរា បានអំពាវនាវដល់សាធារណជនឱ្យចូលរួម សហការក្នុងការស្វែងរកតម្រុយ ចំពោះរូបភាពអាក្រាតពាក់កណ្តាលខ្លួនរបស់ស្ត្រីម្នាក់ឈរនៅមុខប្រាសាទអង្គរ ដែលត្រូវបានគេបង្ហោះនៅក្នុងហ្វេសប៊ុក ហើយបង្កឱ្យមានការភ្ញាក់ផ្អើលយ៉ាងខ្លាំងនោះ។
សេចក្តីប្រកាសព័ត៌មានរបស់អាជ្ញាធរជាតិអប្សរា ដែលបានផ្សព្វផ្សាយកាលពីយប់ថ្ងៃទី២៤ ខែមករា បានឱ្យ ដឹងថា ការថតបង្ហាញកាយអាក្រាតបែបនេះជាអំពើប្រាសចាកផ្ទុយទាំងស្រុងពីសីលធម៌ និងវប្បធម៌ខ្មែរ ព្រមទាំងឱ្យមានការអាប់ឱនយ៉ាងធ្ងន់ធ្ងរដល់បេតិកភណ្ឌជាតិ និងកិត្តិយសនារីភេទផងដែរ។ អាជ្ញាធរជាតិអប្សរា នឹងធ្វើការស្រាវជ្រាវរកការពិត ព្រមទាំងប្តេជ្ញាអនុវត្តន៍នីតិវិធីច្បាប់តាមគ្រប់រូបភាព ដើម្បីធ្វើការផ្តន្ទាទោសចំពោះការប្រព្រឹត្តបែបអាសអាភាស និងខ្វះការពិចារណាបែបនេះ។ ជាមួយគ្នានេះ អាជ្ញាធរជាតិអប្សរាក៏សូមធ្វើការអំពាវនាវដល់ប្រជាពលរដ្ឋទាំងអស់សូមចូលរួមក្នុងការផ្តល់ព័ត៌មានជាតម្រុយដែលអាចនាំឱ្យរកឃើញការពិតក្នុងករណីរូបភាពនេះ៕
ព័ត៌មានជាតិ
មតិយោបល់