កំពង់ធំ៖ ពិធីប្រគល់អដិ្ឋធាតុរបស់កងទ័ពស្ម័គ្រចិត្តវៀតណាម ដែលត្រូវបានពលីជីវិតក្នុងសម័យសង្គ្រាម នៅលើទឹកដីព្រះរាជាណាចក្រកម្ពុជា ត្រូវបានកងកម្លាំងស្ម័គ្រចិត្តវៀតណាម កា៧២ មករុករកអដិ្ឋធាតុក្នុងភូមិសាស្ត្រទឹកដីខេត្តកំពង់ធំ ទើបបានប្រគល់ជូនលោក ង្វៀន វ៉ាន់ប៉ិញ ប្រធានក្រុមបច្ចេកទេសការ៧២ ក្រោមការចូលរួមរបស់ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ព្រមទាំងមេបញ្ជាការង និងនាយផ្នែក ប្រធានករិយាល័យចូលរួម ព្រមទាំងកម្លាំងរបស់ ក្រុមបច្ចេកទេសចូលរួម សរុបជាង៣០នាក់ កាលពីរសៀលថ្ងៃទី ០២ ខែ កុម្ភះ ឆ្នាំ ២០១៥ ។
ឯកឧត្តម ឧត្តមសេនីយ៍ត្រី សោម ស៊ុន បានមានប្រសាសន៍ថា កិច្ចសហប្រតិបត្តិការរុករកអដិ្ឋធាតុ ត្រូវបានឯកភាពគ្នារវាងប្រទេសទាំង២កម្ពុជា វៀតណាម ក្នុងការសហការឲ្យខេត្តប៉ិញផឿកដឹកនាំកម្លាំងបច្ចេកទេសរុករកអដិ្ឋធាតុនៅក្នុងខេត្តកំពង់ធំជំហានទី១ ដំណាក់កាលទី១៤ ដោយមានការពីឯកឧត្តម អ៊ុត សំអន អភិបាលនៃគណ:អភិបាលខេត្តកំពង់ធំជាប្រធានគណ:បញ្ជាការឯកភាពខេត្តកំពង់ធំ ចូលរួមគាំទ្រឲ្យមានកម្លាំងតំបន់សឹកនិងប្រជាពលរដ្ឋនៅក្នុងមូលដ្ឋានចូលរួមសហការដើម្បីសម្រួលដល់ក្រុមបច្ចកទេសរុករក អដិ្ឋធាតុ ក្នុងរដូវប្រាំង ឆ្នាំ ២០១៤ និងឆ្នាំ ២០១៥ ដែលបានប្រគល់ជូននាថ្ងៃនេះមាន ២០អដ្ឋិធាតុ សរុបទាំងជំហានទី១ និងដំណាក់កាលទី១ ប្រគល់អដិ្ឋធាតុសរុបចំនួន ៩៤០អដិ្ឋធាតុមកហើយ ដោយឡែកបងប្អូននៃក្រុមបច្ចកទេសវៀតណាម ត្រូវបានវិលត្រឡប់ទៅ ចូលរួមក្នុងពិធីបុណ្យចូលឆ្នាំតាមប្រពៃណី ទើបបានឆ្លៀតឳកាសឲ្យនាំយកអដិ្ឋធាតុទៅប្រគល់ជូនសាច់ញ្ញាតិ ក្រុមគ្រួសារយកទៅធ្វើបុណ្យតាមប្រពៃណី និងសូមកោតសរសើរយ៉ាងខ្លាំង ចំពោះការយកចិត្តទុកដាក់ របស់កម្លាំងបច្ចេកទេស ទោះបីជួបឧបស័គ្គ ស្មុគស្មាញចំពោះទីតាំងដី ដែលត្រូវបានផ្លាស់ប្តូរពីដីព្រៃមកចម្ការដំណាំ និងត្រូវបានឈូសឆាយ ទោះជាត្រូវថ្ងៃត្រូវភ្លៀងក៏កម្លាំងការ៧២នេះ ពុំមានថ្ងៃឈប់សម្រាក។
លោក ង្វៀន វ៉ាន់ប៉ិញ ប្រធានក្រុមបច្ចេកទេសការ៧២ បានថ្លែងអំណរគុណចំពោះរាជរដ្ឋាភិបាលដែលបាន មាននយោបាយឲ្យមានការរុករកអដ្ឋិធាតុ ដើម្បីនាំយកទៅធ្វើបុណ្យនៅប្រទេសកំណើត ជាពិសេឯកឧត្តមមេបញ្ជាការតំបន់ប្រតិបត្តិការសឹករងកំពង់ធំ ដែលបានធ្វើកិច្ចសហការផ្តល់កម្លាំងការពារក្នុងការុករកអដ្ឋិធាតុ ព្រមទាំងប្រជាពលរដ្ឋកម្ពុជា ដែលបានចង្អុលបង្ហាញពីទីតាំងកប់អដិ្ឋធាតុ។
ជាចុងក្រោយឯកឧត្តម សោម ស៊ុន មេបញ្ជាការតំបន់សឹករងកំពង់ធំ និងកម្លាំងបច្ចេកទេសការ៧២ ព្រមទាំងសមាសភាពចូលរួមទាំងអស់ បានធ្វើពិធីចុះហត្ថលេខាផ្ទេរប្រគល់អដិ្ឋធាតុឲ្យនាំយកទៅចែកជូនសាច់ ញ្ញាតិនៅឯស្រុកកំណើត នៃប្រទេសវៀតណាម៕
មតិយោបល់