ភ្នំពេញ ៖ កន្លងមក លោក ជួន សុវណ្ណវាសនា ម្ចាស់ភាគហ៊ុន របស់ផលិតកម្ម Rich Kids Media ធ្លាប់បានធ្វើការអះអាងថា រឿង “៧ថ្ងៃ” ជារឿងមួយ ដែលសម្រិតសម្រាំង ដើម្បីប្រកួតប្រជែង ពានរង្វាន់អាស៊ី នៅពេលខាងមុខ ។
ភាពយន្តខ្នាតធំ ខ្មោចបែបកំប្លែង រឿង “៧ថ្ងៃ” ជាភាពយន្តមួយ និយាយអំពី ព្រលឹងខ្មោច ដែលស្លាប់បាន ៧ ថ្ងៃ រួចហើយ ទើបដឹងថាខ្លួន បានស្លាប់ ។ និយាយអំពី ឈុតឆាក ក្នុងរឿងនេះ ការតុបតែង ខ្មោច ឲ្យដូចខ្មោច តាមបែប បច្ចេកវិទ្យា អ្នកផលិតកុនលោកខាងលិច ។ នេះបើតាមសម្តីលោក ជួន សុវណ្ណវាសនា បានប្រាប់ ដំណឹង កន្លងមក ។
លោកធ្លាប់បានប្រាប់ថា ភាពយន្តខ្នាតធំ បែបកំប្លែងនេះ ពេលថត ពិតជាជួបរឿង គួរឲ្យព្រឺព្រួច ពិតៗ ជាពិសេសឈុត ថតក្រោមដើមជ្រៃ ដោយមានឧបទ្ទេវហេតុ ជាន់ហ្វ្រាំងឡាន មិនស៊ី ក្នុងអំឡុងពេលថត ខណៈដែលរថយន្ត មិនកើតអ្វីសោះ ។
ងាកមក មើលបទសម្ភាសន៍ ជាមួយនឹង តួអង្គក្នុងរឿងវិញ លោក សុធា ពិសិដ្ឋ បាននិយាយថា “ភាពយន្តខ្នាតធំនេះដែរ មានឈុតឆាកថត ពិបាកៗជាច្រើន ជាពិសេសឈុតថតក្នុងរថយន្ត ដោយគេវាយម្តងហើយ ម្តងទៀត ” ។ចំណែក តារាសម្តែង ល្បីឈ្មោះគួរសម លោក ប៊ូសាយ បាននិយាថា “ឈុតដែលពិបាកជាងគេគឺឈុត តារាកំប្លែង អ្នកនាងខ្ញុង យកកាំបិទ ចាក់ភ្នែក ជាពិសេសថតក្នុងពេលរាត្រី ធ្វើឲ្យមានភាពព្រឺព្រួច” ។
ដោយឡែកតួខ្មោច កញ្ញា ណាតាសា បាននិយថា “នាង ជាតួសម្តែងក្នុងតួអង្គខ្មោច ដែលមានកូនក្នុងផ្ទៃ ហើយឈុតដែលពិបាកថតបំផុត គឺឈុតក្នុងខុនដូ ដោយលង កញ្ញា នី មុន្នីនាថ” ។ ស្រីស្រស់រូបនេះ បានអះអាងបន្តថា ភាពយន្តនេះ ជាភាពយន្តដ៏ល្អ មានទាំងភាពកម្សត់ ជូរចត់ និងកំប្លែង ជាពិសេសនោះ គឺការ តុបតែង ខ្មោច ឲ្យសមជាខ្មោច ។
បញ្ជាក់ផងដែរថា ភាពយន្ត “៧ថ្ងៃ” និងដាក់បញ្ជាំង នៅរោងកុនល្បីៗមួយចំនួន នៅថ្ងៃទី ៦ ខែ មីនា ខាងមុខនេះ ៕
សូមទស្សនាឃ្លិបវីដេអូបទសម្ភាសន៍ ដូចខាងក្រោមនេះ ៖
មតិយោបល់