ភ្នំពេញ៖ បន្ទាប់ពីធ្លាយព័ត៌មានចចាមអារ៉ាមជាច្រើនដងរួចមកនៅពេលនេះ ធៀបអញ្ជើញភ្ញៀវរបស់មង្គលការ សេដ្ឋីវ័យក្មេងលោក គិត ម៉េង និងអ្នកនាង ស្រីតូច ចំណាន ត្រូវបានបង្ហោះពេញបណ្ដាញអ៊ីនធើណែត។
យោងតាមធៀបអញ្ជើញភ្ញៀវ បានឲ្យដឹងថា មេបា ខាងកូនកម្លោះ ជាឯកឧត្តម លី ប៊ុនធឿន និងលោកជំទាវ ឧកញ៉ា គិត ហ៊ុងឃី ហើយខាងកូនស្រីវិញឈ្មោះ ឯកឧត្តម ម៉ៅ ទី និងលោកជំទាវ គង់ សោម៉ា ខណៈដែលកូនកម្លោះឈ្មោះ គិត ម៉េង និងកូនស្រីឈ្មោះ ម៉ៅ ចំណាន។
នៅក្នុងធៀបអញ្ជើញភ្ញៀវនេះក៏បានបញ្ជាក់ថា មង្គលការនេះនឹងត្រូវធ្វើឡើងនៅថ្ងៃសុក្រទី ២០ ខែមីនា ឆ្នាំ ២០១៥ ត្រូវនឹងថ្ងៃ ១ កើត ខែចេត្រ ឆ្នាំមមី ដែលទទួលភ្ញៀវនៅមជ្ឈមណ្ឌលសន្និបាទកោះពេជ្រ ៥ អគារ (L+K+J,I,H)។
គួរបញ្ជាក់ផងដែរថា សេដ្ឋីវ័យក្មេងលោក គិត ម៉េង បានមានទំនាក់ទំនងជាមួយ អ្នកនាង ស្រីតូច ចំណាន អស់រយៈពេលជាច្រើនឆ្នាំមកហើយ រហូតទទួលបានកូន ប្រុសស្រីចំនួន ៤ នាក់នោះទេផង៕
មតិយោបល់