អ្នកលេងបណ្តាញសង្គមហ្វេសប៊ុកថ្មីៗនេះបានធ្វើការរិះគន់ មិនសំចៃមាត់ទៅលើ ក្រុមហ៊ុនដឹកជញ្ចូនអ្នកដឹកដំណើរ រិទ្ធិមុនី ដោយដឹកអ្នកដំណើរលើសចំណុះ និង បុគ្គលិកគ្មានសុជីវធម៌ ។
ប្រភពព័ត៌មានដែលត្រូវបានអ្នកលេងហ្វេសប៊ុកចែករំលែករាប់ពាននាក់ ដែលមានប្រភពចេញពីអ្នកលេងបណ្តាញសង្គមម្នាក់ បានធ្វើការរិះគន់ទៅលើក្រុមហ៊ុន ដឹកជញ្ជួនអ្នកដំណើរឈ្មោះខាងលើថា «សូមផ្តាំទៅពុកម៉ែបងប្អូនដែលធ្វើដំណើរទាំងអស់អោយបានជ្រាបថា ក្រុមហ៊ុនឡាន រិទ្ធមុនី ដឹកអ្នកដំណើរនេះ ជាក្រុមហ៊ុនដែលមានបុគ្គលិក និយាយមិនពិតជាមួយភ្ញៀវ គ្មានសុជីវធម៌ ការដឹកអ្នកដំណើរលើសចំនុះ បើកបរឈប់ដាក់ភ្ញៀវតាមផ្លូវទាំងកន្លែងអង្គុយគ្មាន ។ ហេតុដូចនេះប្រសិនបើបងប្អូនទៅណាមកណា មុននឹងជិះឡាននេះសូមធ្វើការពិចារណាជាមុន ឬក៏សួរអោយបានច្បាស់លាស់អំពីកន្លែងអង្គុយជាមុន ដើម្បីសុវត្ថិភាព និងភាពងាយស្រួល»។
នេះមិនមែនជាលើកទី ១នោះទេ ដោយកន្លងមកក្រុមហ៊ុនក៏ទទួលបានការរីះគន់ផងដែរ ទៅលើបញ្ហាតំឡើងថ្លៃ ឈ្នួលឡានក្នុងអំឡុងពេលបុណ្យចូលឆ្នាំខ្មែរ ដែលប្រឆាំងនឹងអនុសាសន៍របស់ សម្តេចតេជោ ដែលទំនងគាត់អាងខ្នងធំហើយមើលទៅនោះ ៕
មតិយោបល់