ភ្នំពេញ៖ ផលិតកម្ម BKS នៅព្រឹកមិញនេះ បានធ្វើការក្រុងពាលីរឿងថ្មីរបស់ខ្លួន ដែលជាស្នាដៃទី២ ដោយចាយទុន មិនក្រោម៧ម៉ឺនដុល្លារឡើយ ។
លោក ឈុន សុវណ្ណភក្តី ដែលជាចាងហ្វាងផលិតកម្ម និងផលិតករវ័យក្មេង បានឲ្យដឹងថា សម្រាប់សាច់រឿងនេះ ត្រូវចាយទុន ជាង៧ម៉ឹនដុល្លារ លើសាច់រឿងទី១ ក្រោមចំណងជើងថា «ដៃគូកម្ចាត់ខ្មោច» ។
សុវណ្ណភក្តី បានប្រាប់បន្តឲ្យដឹងថា «រឿងនេះមានតារាល្បីៗចូលរួមថតក្នុងនោះ មានលោក ទេព រិនដារ៉ូ អ្នកស្រី ប៉ែន សុផានី តាចេក តាសង់ហ្ស៊ីស នាយពាង នាយកណ្តុរ កញ្ញា គីម ច័ន្ទបូរមី និងតារាប្រុស្រីជាច្រើនទៀត» ។
ចាងហ្វាងវ័យក្មេងរូបនេះ បានថ្លែងបន្តថា «វណ្ណកម្មទី២ ចាយមិនក្រោម៧ម៉ឹនដុល្លារនោះទេ ដោយគ្រាន់តែទិញឧបករណ៍ទំនើបៗសម្រាប់ផលិតរឿងនេះ អស់២ម៉ឺនដុល្លារទៅហើយ ដើម្បីធ្វើឲ្យសាច់រឿងមើលទៅត្រជាក់ភ្នែក»។ លោកបានបន្តថារឿងនេះ តួឯកគឺជារូបខ្ញុំផ្ទាល់ ដោយមានឈ្មោះក្នុងរឿង អាស៊ុយទ្រី ហើយ តួស្រីគឺកញ្ញា គីម ច័ន្ទបូរមី ។
បញ្ជាក់ផងដែរ វណ្ណកម្មទី១របស់ BKS ដែលគ្រោងនឹងចាកផ្សាយនៅថ្ងៃទី១៧ ខែកុម្ភៈ ខាងមុខនេះ ចាយទុនអស់ ជាង៣ម៉ឺនដុល្លារអាម៉េរិក ៕
មតិយោបល់