នៅថ្ងៃទី១១ ខែឧសភា នេះ កងទ័ពបានបន្តដឹកជញ្ជូនស្បៀងអាហារ ទៅចែកជូនប្រជាពលរដ្ឋនៅតំបន់បិទខ្ទប់ ចំនួន១៥០០០ គ្រួសារបន្ថែមទៀត ហើយបើគិតមកដល់ថ្ងៃនេះ ប្រជាពលរដ្ឋដែលរស់នៅក្នុងតំបន់បិទខ្ទប់ ដោយជំងឺកូវីដ-១៩ ចំនួនជាង៣៧ម៉ឺនគ្រួសារហើយ ដែលទទួលបានស្បៀងអាហារដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាពីអាជ្ញាធររាជធានីភ្នំពេញ។
![](http://i0.wp.com/postnews.com.kh/wp-content/uploads/2016/09/photo_2016-09-23_16-17-27.jpg?fit=1000%2C563&ssl=1)
ប្រជាពលរដ្ឋទាំង១៥០០០គ្រួសារដែលទទួល អំណោយនៅថ្ងៃ១១ឧសភានេះរួមមាន៖ នៅខណ្ឌមានជ័យចំនូន ៤៥៦២គ្រួសារ នៅពោធិ៍សែនជ័យចំនួន៦៩១៣ គ្រួសារ ខណ្ឌឬស្សីកែវចំនួន ៣០២០គ្រួសារនិងខណ្ឌកំបូលចំនួន៥០០គ្រួសារ ។ មន្ត្រីរដ្ឋបាលរាជធានីភ្នំពេញ បានឱ្យដឹងថា៖អាជ្ញាធររាជធានីភ្នំពេញ ក្រោមការណែនាំនិងបញ្ជាពីឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ សហការជាមួយកងទ័ពជើងគោក បានដឹកជញ្ជូន ស្បៀងអាហារ ដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា យកទៅចែកជូនប្រជាពលរដ្ឋក្នុងតំបន់បិទខ្ទប់នៅរាជធានីភ្នំពេញ ចាប់ពីថ្ងៃទី២០ មេសា ដល់ថ្ងៃ១១ ខែ ឧសភានេះ បានចំនួន៣៧៤៦៥២គ្រួសារ ។
![](http://i0.wp.com/postnews.com.kh/wp-content/uploads/2016/09/photo_2016-09-23_16-17-23.jpg?fit=1000%2C563&ssl=1)
គួរបញ្ជាក់ថា ៖អនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ពាក់ព័ន្ធនឹងសកម្មភាពមនុស្សធម៌ខាង លើនេះ បានប្រើប្រាស់កងកម្លាំងទ័ពជើងគោក ចំនួន ២០៦ នាក់ និង រថយន្ត៦២គ្រឿង ដោយសហការជាមួយរដ្ឋបាលរាជធានីភ្នំពេញ ក្នុងការដឹកជញ្ជូនស្បៀងអាហារទៅចែកជូនប្រជាពលរដ្ឋដែលមានជីវភាពខ្វះខាត នៅក្នុងខណ្ឌទាំង១៤ ក្នុងរាជធានី ដែលមានដូចជា អង្ករ, មី, ទឹកត្រី, ទឹកស៊ីអ៊ីវ, និងត្រីខជាដើម ដើម្បីរំលែកទុក្ខលំបាកប្រជាពលរដ្ឋ នៅតំបន់បិទខ្ទប់៕
![](http://i0.wp.com/postnews.com.kh/wp-content/uploads/2016/09/photo_2016-09-23_16-17-25.jpg?fit=1000%2C563&ssl=1)
![](http://i0.wp.com/postnews.com.kh/wp-content/uploads/2016/09/photo_2016-09-23_16-17-30.jpg?fit=720%2C1280&ssl=1)
![](http://i0.wp.com/domneng.news/wp-content/uploads/2021/05/182564580_305374611052943_4635546745307290536_n.jpg?resize=960%2C540&ssl=1)
![](http://i0.wp.com/postnews.com.kh/wp-content/uploads/2016/09/photo_2016-09-23_16-13-29.jpg?fit=540%2C960&ssl=1)
មតិយោបល់