មនុស្សម្នាក់ស្លាប់ និង១២នាក់ផ្សេងទៀតរងរបួស នៅក្នុងការបាញ់ប្រហារជាបន្តបន្ទាប់ នៅទីតាំងជាច្រើនកន្លែងក្នុងតំបន់ទីប្រជុំជន Phoenix រដ្ឋ Arizona សហរដ្ឋអាមេរិក កាលពីរសៀលថ្ងៃព្រហស្បតិ៍ ហើយជនសង្ស័យត្រូវបានចាប់ខ្លួនដោយនគរបាល។

យោងតាមនាយកដ្ឋាននគរបាលបានឲ្យដឹងថា ការបាញ់ប្រហារបានកើតឡើង នៅទីតាំងចំនួន ៨កន្លែង ក្នុងតំបន់ទីប្រជុំជន Phoenix មានរយ:ពេលេជាង១ម៉ោងកន្លះ។ ៤នាក់ក្នុងចំណោមជនរងគ្រោះ១៣នាក់នៅក្នុងឧបត្តិហេតុ បានរងការវាយប្រហារដោយគ្រាប់កាំភ្លើង ហើយជនរងគ្រោះ៩នាក់ផ្សេងទៀតរងរបួសប៉ុន្តែមិនមែនដោយគ្រាប់កាំភ្លើងនោះទេ។