ទីប្រឹក្សាសន្តិសុខជាតិ លោក Jake Sullivan និយាយថា សហរដ្ឋអាមេរិកកំពុងរៀបចម្ការដាក់ទណ្ឌកម្មបន្ថែម លើប្រទេសរុស្សី ជុំវិញការចោទប្រកាន់ការបំពុលលោក Alexei Navalny ជាអ្នករិះគន់វិមានក្រឹមឡាំង និងជាមេដឹកនាំគណបក្សប្រឆាំង។ ខណ:ត្រូវបានសួរថាតើរដ្ឋបាល អាមេរិក នឹងដាក់សម្ពាធបន្ថែម លើទីក្រុងម៉ូស្គូឬទេ លោក Sullivan និយាយនៅក្នុងបទសម្ភាសន៍ថា យើងកំពុងរៀបចំកញ្ចប់មួយផ្សេងទៀត នៃការដាក់ទណ្ឌកម្មដើម្បីអនុវត្តលើករណីនេះ។
ទាក់ទងនឹងរឿងលោកណាវ៉ាល់នី លោកបៃដិនធ្លាប់បានព្រមាននៅមុនពេលជួបលោកពូទីនថា ការស្លាប់លោកណាវ៉ាល់នីនៅថ្ងៃណាមួយនឹងធ្វើឲ្យទំនាក់ទំនងរវាងរស្ស៊ីជាមួយលោក និងជាមួយពិភពលោកនឹងធ្លាក់ដុនដាបកាន់តែខ្លាំង។ ចំណែកលោកពូទីនបានថ្លែងយ៉ាងសាមញ្ញនៅក្នុងជំនួបជាមួយលោកបៃដិនដោយមិននិយាយចំឈ្មោះណាវ៉ាល់នីថា «បុរសរូបនេះដឹងច្បាស់ថា រូបគេកំពុងរំលោភច្បាប់ដែលកំពុងចូលជាធរមាននៅរុស្ស៊ី»៕
មតិយោបល់