មន្រ្តីបាននិយាយថាមនុស្សម្នាក់ត្រូវបានសម្លាប់ នៅក្នុងការបាញ់ប្រហារ នៅក្បែររថយន្ត របស់រដ្ឋមន្រ្តីនៃខេត្ត Punjab ភាគខាងកើតប្រទេសប៉ាគីស្ថាន កាលពីយប់ថ្ងៃសុក្រ។

នៅក្នុងសារលើបណ្តាញធ្វីតធឺ ជំនួយការពិសេសរបស់នាយករដ្ឋមន្រ្តី ប៉ាគីស្ថាន ទទួល បន្ទុកទំនាក់ទំនងនយោបាយលោក Shahbaz Gill បាននិយាយថា រដ្ឋមន្រ្តីរដ្ឋ Punjab លោក Usman Buzdar បានទៅដល់ផ្ទះដោយសុវត្ថិភាព បន្ទាប់ពីមានហេតុការណ៍បាញ់រះ ដែលបានកើតឡើងនៅជិតកន្លែងរៀបអាពាហ៍ពិពាហ៍កូនប្រុសរបស់លោក Asad Khokhar សមាជិកសភានៃរដ្ឋ Punjab ។