ផ្ទះ ព័ត៌មានជាតិ សូមប្រុងប្រយ័...

សូមប្រុងប្រយ័ត្នបងប្អូន! រកឃើញភាពមិនប្រក្រតីរបស់ ស្ថានីយ/ដេប៉ូចែកចាយប្រេងឥន្ធៈ នៅខណ្ឌមានជ័យ

0

ភ្នំពេញ: យោងតាមផេកអគ្គនាយកដ្ឋានកាំកុងត្រូល បានឲ្យដឹងថា នៅថ្ងៃទី១៨ ខែកញ្ញា ឆ្នាំ២០១៩ មន្ត្រីអគ្គនាយកដ្ឋានកាំកុងត្រូល បាននាំយករថយន្តពិសោធន៍ចល័ត ផ្នែកប្រេងឥន្ធន: ចុះត្រួតពិនិត្យ បណ្តាស្ថានីយ/ដេប៉ូចែកចាយប្រេងឥន្ធន:ចំនួន ៤ទីតាំង តាមបណ្តោយផ្លូវមុនីរ៉េត(២១៧) ខណ្ឌមានជ័យ រាជធានីភ្នំពេញ។

លទ្ធផលនៃការត្រួតពិនិត្យ មន្រ្តីជំនាញបានរកឃើញ ស្ថានីយ/ដេប៉ូចំនួន ១ទីតាំង មិនមានអនុលោមភាពផ្នែកគុណភាព។

យោងតាមមន្ត្រីអគ្គនាយដ្ឋានកាំកុងត្រូលបានឲ្យដឹងថា ក្នុងការត្រួតពិនិត្យនេះ មន្ត្រីជំនាញធ្វើការវិភាគលើកម្រិតសន្ទស្សន៍អុកតានរបស់ប្រេងសាំង, សេតានរបស់ប្រេងម៉ាស៊ូត និងត្រួតពិនិត្យលើរង្វាស់រង្វាល់ របស់បណ្តាស្ថានីយ /ដេប៉ូចែកចាយ ទាំង៤ ផងដែរ។

ដោយសារនេះជាការរកឃើញលើកទី ១ មន្រ្តីជំនាញបានឱ្យម្ចាស់ ស្ថានីយ/ ដេប៉ូខាងលើ ធ្វើកិច្ចសន្យាកែតម្រូវភាពមិនអនុលោមខាងលើ បើរកឃើញ កំហុសលើកទី ២ មន្រ្តីជំនាញ នឹងកសាងសំណុំរឿងបញ្ជូនទៅតុលាការ៕

Loading...

Leave a Reply

This site uses Akismet to reduce spam. Learn how your comment data is processed.