(ភ្នំពេញ)៖ ប្រិយមិត្ត ពុកម៉ែ បងប្អូន និងហ្វេនៗ ដែលជាអ្នកនិយមវិស័យសិល្ប:ចម្រៀង ច្បាស់ណាស់ ពិតជាបានស្គាល់កំពូលតារាចម្រៀងសម្លេងស្អក សម្បុរស្រអែម និងបច្ចុប្បន្នជ្រកក្រោមទ្រនំផលិតកម្មដ៏ល្បីឈ្មោះមួយ គឺផលិតកម្ម Galaxy Navatra គឺលោកប៉ុន សុណារិន ឬហៅថាលោក ខេម បានសាងភាពភ្ញាក់ផ្អើលដល់មហាជន និងជាពិសេសគឺដល់ហ្វេនៗតែម្តង ក្រោយតារាប្រុសរូបនេះបានធ្វើដំណើរទៅកាន់ទឹកដីប្រទេសបារាំង កាលពីពេលថ្មីៗកន្លងទៅនេះផ្ទាល់តែម្តង។

លោក ខេម ធ្លាប់បានប្រាប់សារព័ត៌មានក្នុងស្រុកមួយថា គោលបំណងដែលលោកទៅដល់ប្រទេសបារាំងទាំងស្ថានភាពជំងឺកូវីដ-១៩នេះ គឺក្នុងគោលបំណងទិញហាងមួយកន្លែងដែលគេប្រកាសលក់នៅបារាំង, ទៅពិនិត្យសុខភាព និងជាពិសេសជាងនេះទៅទៀតនោះ គឺនាំគូដណ្តឹងទៅជួបឪពុកម្តាយ។

ជាពិសេស កាលពីប៉ុន្មានម៉ោងមុននេះបន្តិច លោកខេមបានបង្ហោះរូបថតមួយសន្លឹក ជាមួយនឹង នារីជាគូដណ្តឹងរបស់ខ្លួនកំពុងតែអង្គុយជិតគ្នា និងកំពុងសម្លឹងមើលទូរស័ព្ទ យ៉ាងស្វីត រហូតធ្វើឲ្យហ្វេនៗដែលជាអ្នកនិយមគាំទ្រលោកនាំគ្នាចូលមកធ្វើការចុច Like, Share, និងComment ជាច្រើនផងដែរ៕