បរទេស៖ កីឡាករវ័យ២៦ឆ្នាំលេងក្នុងតំណែងការពារ Davies ទីបំផុតគឺអាចធ្វើការចាកចេញពីក្លឹបហង្សក្រហម Liverpool បានហើយទោះបីក្នុងលក្ចខណ្ឌខ្ចីជើងជាមួយនឹងក្លឹបនៅពាន Championship រយៈពេល១ឆ្នាំក្តី។

The Goal ហ៊ានអះអាងថា Ben Davies ត្រូវបានក្លឹប Sheffield United និង Liverpool ឈានទៅដល់ការព្រមព្រៀងគ្នាដើម្បីឲ្យគាត់អាចចាកចេញពីផ្លូវការហើយនឹងត្រូវធ្វើការប្រកាសយ៉ាងហោចណាស់នៅដើមសប្តាហ៍នេះផងដែរ។

Davies បានធ្វើដំណើរមកចូលរួម Anfield កាលពីខែមករាក្នុងនាមជាកីឡាករបណ្តោះអាសន្នជំនួសឲ្យខ្សែការពារ Virgil van Dijk ប៉ុន្តែហាក់ដូចជាមិនសូវមានលទ្ធផលល្អឡើយក្នុងការទំរង់លេងដែលធ្វើឲ្យអតីតតារាឆ្នើមរបស់ក្លឹប Preston វ័យ២៦ឆ្នាំរូបនេះត្រូវបានក្លឹប Liverpoolអនុញ្ញាតិឲ្យចាកចេញ៕