Post News Media ព័ត៌មានជាតិ មន្ដ្រីជាន់ខ្...

មន្ដ្រីជាន់ខ្ពស់រាជរដ្ឋាភិបាល ចុះសួរសុខទុក្ខ និងចែកអំណោយដល់កម្លាំងការពារព្រំដែន

ឧត្តរមានជ័យ: មន្ដ្រីជាន់ខ្ពស់រាជរដ្ឋាភិបាល រួមទាំងសប្បុរសជន ក្រុមហ៊ុន អេល រ៉ាយ ភី គ្រុប (LYP group) បានចុះសួរសុខទុក្ខ និងចែកអំណោយដល់កងកម្លាំង កងពលតូចថ្មើរជើងលេខ ៤២ និង​វរសេនាតូចនគរបាលការពារព្រំដែនគោកលេខ ៧០២ នៅទីបញ្ជាការវរសេនាតូចថ្មើរជើងលេខ៤២២ នៃ កង​ពល​តូចលេខ៤២ ស្ថិតនៅក្នុងភូមិ គោកសង្កើច ឃុំគោកមន ស្រុកបន្ទាយអំពិល ខេត្តឧត្តរមានជ័យ សរុប​ចំនួន៥៥០​នាក់។

ពិធីនេះបានធ្វើឡើង កាលពីវេលាម៉ោង៩និង៣០នាទី ថ្ងៃទី០៣ ខែកញ្ញា ឆ្នាំ២០១៦ក្រោមអធិបតីភាព លោក កែវ រតនះ ប្រតិភូរាជរដ្ឋាភិបាល ទទួលបន្ទុក ជាអគ្គនាយកអគ្គិសនីកម្ពុជា ព្រមទាំងមានការចូលរួមពីលោក នាយ ឧត្តមសេនីយ៍ ឈិន ច័ន្ទពណ៌ អគ្គមេបញ្ជាការរង នៃកងយោពលខេមរ ភូមិន្ទ និងលោកវរសេនីយ៍ឯក គង់ សុខាន់ មេបញ្ជាការវរ: ៧០២ បានដឹកនាំ កម្លាំងចំនួន៥៤នាក់ចូលរួមផងដែរ។

លោក នាយឧត្តមសេនីយ៍ ឈិន ច័ន្ទពណ៌ អគ្គមេបញ្ជាការរងកងយោធពលខេមរភូមិន្ទ លោក ឧត្តមសេ​នីយ៍​ទោ សៅ សុជាតិ មេបញ្ជាការរងយោធភូមិភាគទី៤ ទទួលទិសទី៣ លោក ឧត្តមសេនីយ៍ទោ ភាជ ធា មេបញ្ជា​ការ​រងគណ:បញ្ជាការនគរបាលជាតិ ប្រចាំទិសភូមិភាគទី៤។

ក្រោយពីមានសំណេះសំណាលរួច គណ:ប្រតិភូ បានឧបត្ថម្ភ សម្ភារ: ឧបភោគបរិភោគ និងថវិកា មួយចំនួន ជូនដល់អង្គភាពទាំងពីរ ក្នុងនោះ អង្គភាពវរ: ៧០២ ទទួលបាន មី ចំនួន៥០កេស ត្រីខចំនួន១០កេស. ប៊ីចេង​ចំនួន០៦កេស បារីចំនួន៣០សុង ប្រេងកូឡាចំនួន៣០ឡូ ត្រីងៀត៣០គីឡូក្រាម. សាច់ក្រកចំនួន៣០គីឡូក្រាម ប្រហុក៣០គីឡូក្រាម ស្ករត្នោតចំនួន៥០គីឡូក្រាម ទឹកត្រី ទឹកស៊ីអ៊ីវ ៦០ឡូ ថវិកា សម្រាប់កម្លាំង១៥០នាក់ ក្នុងម្នាក់ៗទទួលបាន ២០,០០០រៀលទៀតផង៕

មន្ដ្រីជាន់ខ្ពស់

មន្ដ្រីជាន់ខ្ពស់

មន្ដ្រីជាន់ខ្ពស់

មន្ដ្រីជាន់ខ្ពស់

មន្ដ្រីជាន់ខ្ពស់

មន្ដ្រីជាន់ខ្ពស់

មន្ដ្រីជាន់ខ្ពស់

មន្ដ្រីជាន់ខ្ពស់

មន្ដ្រីជាន់ខ្ពស់