បរទេស៖ បញ្ហាធ្លាក់ទំរង់លេងខ្លាំងក្រោមការដឹកនាំរបស់លោក Ole Solskjare គឺនៅមិនទាន់បញ្ចប់នោះទេជាពិសេសបរាជ័យដ៏ធ្ងន់ធ្ងរចុងក្រោយចាញ់ក្រុមហង្សក្រហម Liverpool ក្នុងលទ្ធផលដល់ទៅ៥ទល់នឹង០។

ក្លឹបកំពុងស្វែងរកគ្រូបង្វឹកថ្មីម្នាក់មកផ្លាស់ប្តូរតំណែងនេះខណៈដែលក្នុងនោះគ្រូបង្វឹកសញ្ជាតិអ៊ីតាលីលោក Antonio Conte ក៏មានឈ្មោះជាគ្រូបង្វឹកអទិភាពម្នាក់ផងដែរប៉ុន្តែទោះបានដឹងហើយថាគាត់ជាគ្រូបង្វឹកដែលទាមទាតម្លៃខ្លួនថ្លៃក្តី។

យោងតាមការបញ្ជាក់របស់ Daily Star បានអះអាងតំណែងរបស់លោក Ole នឹងអាចនៅតែបន្តដដែលខណៈដែលក្លឹបហាក់ដូចជាបានអស់ចិត្តបន្តិចទៅហើយជាមួយនឹង Conte ដោយសារតែបុរសរូបនេះបានទាមទារកុងត្រារហូតទៅដល់៣ឆ្នាំកន្លះមានតម្លៃរហូតទៅដល់ ១៨លានអ៊ឺរ៉ូដែលវាមានទំហំលើសពីអ្វីដែលក្លឹបអាចធ្វើទៅបាន៕