ឧត្តរមានជ័យ:ប្រភពយោងតាមផេកអធិការដ្ឋាននគរបាលស្រុកអន្លង់វែងបានឲ្យដឹងថាជនសង្ស័យ ៣នាក់ ករណីគាស់ផ្ទះ និងលួចទូរស័ព្ទរបស់អ្នកជំងឺ នៅមន្ទីរពេទ្យ
នៅថ្ងៃទី១៧ ខែកុម្ភ: ឆ្នាំ២០២៤ វេលាម៉ោង ០៩-១០នាទីព្រឹក ដោយមានការដឹកនាំផ្ទាល់ពី លោកឧត្តមសេនីយ៍ទោ ហួត សុធី ស្នងការនគរបាលខេត្ត លោកវរសេនីយ៍ឯក ស៊ូ នូវ អធិការនគរបាលស្រុក បានចាត់កម្លាំងផែននគរបាលយុត្តិធម៌ និងកម្លាំងប៉ុស្តិ៍រដ្ឋបាលអន្លង់វែង ចុះស្រាវជ្រាវបង្ក្រាបមុខសញ្ញាលួច ២ករណី
ដោយបានចាប់ឃាត់ខ្លួនជនសង្ស័យចំនួន ៣នាក់ ប្រុស មានឈ្មោះដូចខាងក្រោម ៖
១- ឈ្មោះ លីវ ពិសិដ្ឋ ហៅ ម៉ៅ ភេទប្រុស អាយុ ៤៣ឆ្នាំ ស្នាក់នៅបន្ទប់ជួល ស្ថិតនៅភូមិថ្នល់កែង ឃុំអន្លង់វែង ស្រុកអន្លង់វែង មុខរបរមិនពិតប្រាកដ
២- ឈ្មោះ យ៉ារី ភេទប្រុស អាយុ ៣៤ឆ្នាំ ទីលំនៅមិនពិតប្រាកដ
៣- ឈ្មោះ នាង ជាតិ ភេទប្រុស អាយុ ៣៧ឆ្នាំ រស់នៅភូមិអភិវឌ្ឍន៍ ឃុំអន្លង់វែង ស្រុកអន្លង់វែង មុខរបរមិនពិតប្រាកដ
ជនសង្ស័យទាំង ៣នាក់ ខាងលើនេះ បានធ្វើសកម្មភាព លួចគាស់ផ្ទះ នៅថ្ងៃទី១១ ខែកុម្ភ: ឆ្នាំ២០២៤ នៅភូមិអូរជីក ឃុំអន្លង់វែង ស្រុកអន្លង់វែង ជនរងគ្រោះ ឈ្មោះ ពេញ សូនិត ភេទ ប្រុស អាយុ ៤៥ឆ្នាំ មុខរបរជាងដែក សម្ភារបាត់បង់រួមមាន ៖ ប៉ុស្ដិ៍ផ្សារដែកចំនួន ០៣គ្រឿង , ម៉ូទ័រឆាបដែក ០១ , ខ្សែផ្សារដែក ១ដុំ ប្រវែង ១២ម៉ែត្រ , ខ្សែភ្លេីងទំហំ ២x២.៥ ប្រវែង ៧០ម៉ែត្រ និងបានធ្វើសកម្មភាពលួចទូរស័ព្ទ ១គ្រឿង របស់អ្នកជំងឺនៅមន្ទីរពេទ្យបង្អែកស្រុកអន្លង់វែង កាលពីថ្ងៃទី០៨ ខែកុម្ភ: ឆ្នាំ២០២៤ វេលាម៉ោង ១-០០នាទីយប់ ជនរងគ្រោះ ឈ្មោះ ហាវ ឡិប ភេទស្រី អាយុ ៥៥ឆ្នាំ រស់នៅភូមិកណ្តាលក្រោម ឃុំអន្លង់វែង ស្រុកអន្លង់វែង សម្ភារបាត់បង់ទូរស័ព្ទ ១គ្រឿង
បន្ទាប់ពីឃាត់ខ្លួនជនសង្ស័យទាំង ៣នាក់ខាងលើនេះរួច យើងបាននាំខ្លួនជនសង្ស័យទៅចង្អុលបង្ហាញ និងស្រាវជ្រាវដកហូតវត្ថុតាងខាងលើនេះបាន ប្រគល់ជូនជនរងគ្រោះវិញ បច្ចុប្បន្នជនសង្ស័យខាងលើ បានកសាងសំណុំរឿងចាត់ការតាមនិតិវិធីច្បាប់ ។
មតិយោបល់