Post News Media ព័ត៌មានជាតិ កម្លាំងចម្រុះ...

កម្លាំងចម្រុះ​​​ចុះបង្ក្រាប​ល្មើសច្បាប់​ជាច្រើន​កន្លែង​នៅស្រុកស្ទោង​

កំពង់ធំ: បទល្មើសនេសាទ កើតមានព្រោងព្រាត នៅក្នុងរដូវបិទនេសាទនេះ ជាក់ស្ដែងកាលពីម្សិលមិញនេះ កម្លាំងសមត្ថកិច្ចចម្រុះ ខេត្តកំពង់ធំ បានបើកប្រតិបត្តិការ ចុះបង្ក្រាបបទល្មើសនេសាទ ពេញមួយថ្ងៃ ដោយរឹបអូសបានឧបករណ៍នេសាទខុសច្បាប់មួយចំនួនធំ ។

នាយខណ្ឌរដ្ឋបាលជលផលកំពង់ធំ លោក ប៉ែន វណ្ណារិទ្ធ បានឲ្យដឹងថា ការកម្ទេចរបាំងសាច់អួន និង លបលូ នេះ គឺជាលទ្ធផលនៃការចុះបង្ក្រាបបទល្មើស នេសាទពេញមួយថ្ងៃ កាលពីថ្ងៃទី៦ ខែកញ្ញា ម្សិលមិញនេះ នៅចំណុចអណ្តែង ក្នុងឃុំម្សាក្រង ស្រុកស្ទោង ដោយកម្លាំងមន្ត្រីរបស់លោក សហការជាមួយសហគមន៍នេសាទបឹងប្រសាន មន្ត្រីឧទ្យានុរក្សតំបន់ស្នូលបឹងទន្លេឆ្មារ និង កម្លាំងនគរបាលស្រុកស្ទោង ។

លោក ប៉ែន វណ្ណារិទ្ធ បានបន្ដទៀតថា កម្លាំងសមត្ថកិច្ចចម្រុះរបស់យើង បានធ្វើការរុះរើ និង កាប់បំផ្លាញចោលរបាំងសាច់អួន ចំនួនបួនរបាំង ប្រវែងជាងមួយពាន់ម៉ែត្រ លបលូចំនួន១៤មាត់ បង្គោល១០០០ដើម និង ចាក់លែងត្រីប្រមាណ១៥០គីឡូក្រាម ចូលទៅក្នុងទឹកបឹងធម្មជាតិវិញ ។

លោក បានបញ្ជាក់ថា ការបង្ក្រាបបទល្មើសនេះ ហាក់បីដូចជាការវែកចកអញ្ចឹងដែរ ព្រោះកម្លាំងសមត្ថកិច្ច មានចំនួនតិច ចុះទៅបង្ក្រាបកន្លែងនេះ ពួកគេដាក់នៅកន្លែងនោះ នៅពេលដែលចុះទៅជួប ពួកគេសុំ រុះរើដោយខ្លួនឯង លើកដៃសំពះផងយំផង នៅពេលកម្លាំងចេញមកបាត់ពួកគេដាក់វិញដដែល ។

តែទោះជាយ៉ាងនេះក្តី លោកបានអំពាវនាវឲ្យប្រជាពលនេសាទទាំងអស់ បញ្ឈប់នូវការប្រើប្រាស់ឧបករណ៍នេសាទខុសច្បាប់តទៅទៀត ដូចជា របាំងស្បៃមុង ជាដើម ហើយងាកមកប្រើឧបករណ៍ក្រឡាធំៗវិញ លោកនឹងមានការអនុគ្រោះខ្លះ ប៉ុន្តែចំពោះស្បៃមុងវិញ គឺហាមដាច់ខាត សូម្បីតែពីរបីម៉ែត្រ ឲ្យតែមានគឺបង្ក្រាបទាំងអស់ ៕

ចុះបង្ក្រាបឧបករណ៍នេសាទ (1)

ចុះបង្ក្រាបឧបករណ៍នេសាទ (2)

ចុះបង្ក្រាបឧបករណ៍នេសាទ (3)

ចុះបង្ក្រាបឧបករណ៍នេសាទ (4)

ចុះបង្ក្រាបឧបករណ៍នេសាទ (5)

ចុះបង្ក្រាបឧបករណ៍នេសាទ (6)

ចុះបង្ក្រាបឧបករណ៍នេសាទ (11)

ចុះបង្ក្រាបឧបករណ៍នេសាទ (12)

ចុះបង្ក្រាបឧបករណ៍នេសាទ (13)

ចុះបង្ក្រាបឧបករណ៍នេសាទ (14)

ចុះបង្ក្រាបឧបករណ៍នេសាទ (15)

ចុះបង្ក្រាបឧបករណ៍នេសាទ (16)

ចុះបង្ក្រាបឧបករណ៍នេសាទ (17)

ចុះបង្ក្រាបឧបករណ៍នេសាទ (18)

ចុះបង្ក្រាបឧបករណ៍នេសាទ (19)

ចុះបង្ក្រាបឧបករណ៍នេសាទ (20)

ចុះបង្ក្រាបឧបករណ៍នេសាទ (21)

ចុះបង្ក្រាបឧបករណ៍នេសាទ (22)