សៀមរាប: ជនសង្ស័យ៣នាក់ ដែលបានធ្វើសកម្មភាពដើរចែកចាយគ្រឿងញៀនដល់ជនបទនៃខេត្តសៀមរាប ត្រូវបានកម្លាំងអាវុធហត្ថឃាត់ខ្លួនបញ្ជូនមកកាន់ទីបញ្ជាការដ្ឋាន ដើម្បីរៀបចំសំណុំរឿង បញ្ជូនទៅតុលាការ។

ហេតុការណ៍បង្ក្រាបនេះធ្វើឡើងនៅវេលាម៉ោង១៥និង៣០នាទីថ្ងៃទី០៩ ខែតុលាឆ្នាំ២០១៦ ស្ថិតក្នុងភូមិល្អក់ឃុំកណ្តែក ស្រុកប្រាសាទបាគង ខេត្តសៀមរាប។

មន្ត្រីអាវុធហត្ថខេត្តសៀមរាបបានឲ្យដឹងថា ជនសង្ស័យទី១ឈ្មោះ ជឿម ភា ភេទប្រុស អាយុ២៩ឆ្នាំ មុខរបរធ្វើស្រែ ទីលំនៅភូមិគោកធ្លក ឃុំកណ្តែក ស្រុកប្រាសាទបាគង ខេត្តសៀមរាប។ ទី២ឈ្មោះ ពឹង ចល់ភេទប្រុស អាយុ២៤ឆ្នាំ មុខរបរធ្វើស្រែទីលំនៅភូមិល្អក់ ឃុំកណ្តែក ស្រុកប្រាសាទបាគង ខេត្តសៀមរាប។ ទី៣ឈ្មោះ ហ៊ីង វណ្ឌី ភេទប្រុស អាយុ១៩ឆ្នាំ មុខរបរធ្វើស្រែទីលំនៅភូមិល្អក ឃុំកណ្តែក ស្រុកប្រាសាទបាគង ខេត្តសៀមរាប។

មន្ត្រីអាវុធហត្ថដដែលបានបន្ថែមទៀតថា វត្ថុតាងម្សៅគ្រើមម៉ាទឹកកកចំនួន០១កញ្ចប់ស្មើ០,៤៥ក្រាម ទូរស័ព្ទ០៣គ្រឿង។ បច្ចុប្បន្នកម្លាំងអាវុធហត្ថកំពុងរៀបចំសំណុំរឿង ដើម្បីបញ្ជូនទៅតុលាការ ដើម្បីចាត់ការតាមផ្លូវច្បាប់៕