ឧត្តរមានជ័យៈ ក្រុមក្មេងទំនើង៤នាក់ ត្រូវបានកម្លាំងសមត្ថកិច្ច ចុះឃាត់ខ្លួនបានជាបន្ដបន្ទាប់ កាលពីរសៀល ថ្ងៃទី ១៧ ខែតុលា ឆ្នាំ២០១៦ ពាក់ព័ន្ធករណីប្រើអំពើហិង្សាបង្កឲ្យមានអ្នករបួស។

សមត្ថកិច្ចបានឲ្យដឹងថា ក្មេងទំនើងដែលត្រូវឃាត់ខ្លួនទាំង៤នាក់១.ឈ្មោះ សុខ ផល ភេទប្រុស អាយុ១៥ឆ្នាំ រស់នៅភូមិគោកគ សង្កាត់ សំរោង។ ២.ឈ្មោះឆន ឆាំឈាវ ភេទប្រុស អាយុ ១៩ ឆ្នាំ រស់នៅភូមិគោកគ សង្កាត់ សំរោង។ ៣.ឈ្មោះហ៊ូ ភារ៉ា ហៅក្រា ភេទប្រុស អាយុ ១៩ ឆ្នាំរស់នៅភូមិគោកគរ សង្កាត់សំរោង ក្រុង សំរោង។ ៤.ឈ្មោះធា ញ៉ាញ់ ភេទប្រុសអាយុ ២២ ឆ្នាំ ភូមិពុរ សង្កាត់សំរោង,ក្រុង សំរោង ខេត្តឧត្តរមានជ័យ។

សមត្ថកិច្ចបានបន្ដទៀតថា មូលហេតុ កាលពីវេលាម៉ោង២០និង៣០នាទីថ្ងៃ១៦ ខែតុលា ឆ្នាំ២០១៦ ជនសង្ស័យដែលជាក្រុមក្មេងទំនើងទាំង ៤នាក់បានតាមរករឿងវាយទៅលើជនរងគ្រោះនៅចំណុចសួនច្បារ មុខសាលាខេត្ត ដោយវាយទៅលើជនរងគ្រោះ ត្រូវចំមុខ មួយដៃ និងស្មា បណ្តាលឲ្យរបួសស្រាល រួចបានទាញដាវ និងដែកទីប វាយនិងកាប់ទៅលើម៉ូតូ ជនរងគ្រោះ បណ្តាលឲ្យបែកតាបឡូ និងក្បាលម៉ូតូ ភ្លាមៗកម្លាំងអន្តរាគមន៍ដែលកំពុងល្បាត បានឃាត់ខ្លួនជនសង្ស័យម្នាក់ ដែលជាជនដៃដល់។ ចំណែក៣នាក់ ទៀតត្រូវកម្លាំងជំនាញការិយាល័យព្រហ្មទណ្ឌកម្រិតស្រាលស្រាវជ្រាវឃាត់ខ្លួនបានបន្តបន្ទាប់ នៅព្រឹកថ្ងៃ១៧ ខែតុលា ឆ្នាំ ២០១៦នេះ ។ សមត្ថកិច្ចបានបន្ដថា វត្ថុតាងដកហូតបាន ៖ ដាវសាំមួរ៉ៃ១ ដែកបំពង់ទីប១ ។

បច្ចុប្បន្នជនសង្ស័យទាំងនោះ ត្រូវបានសមត្ថកិច្ចកំពុងសាកសួរ និងកសាងសុំណុំរឿង ដើម្បីបញ្ជូនទៅចាក់ការតាមនីតិវិធីច្បាប់៕