ភ្នំពេញ: នៅព្រឹកថ្ងៃទី ១៣ ខែ មិថុនា ឆ្នាំ ២០១៦ សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានដឹកនាំប្រតិភូកាកបាទក្រហមកម្ពុជា ចូលក្រាបថ្វាយបង្គំគាល់សម្តេចព្រះមហាក្សត្រី នរោត្តម មុនីនាថ សីហនុ ព្រះវរាជមាតាជាតិខ្មែរ ព្រះប្រធានកិតិ្តយសកាកបាទក្រហមកម្ពុជា ក្នុងឱកាសនោះ សម្តេចកិតិ្តព្រឹទ្ធបណ្ឌិត និងទូលថ្វាយនៃសារ ថ្វាយព្រះពរ ក្នុងឱកាសព្រះរាជពិធីបុណ្យចម្រើនព្រះជន្មគម្រប់៨០ យាងចូល៨១ព្រះវស្សា និងថ្វាយរបាយការណ៍ការងាររបស់កាកបាទក្រហមកម្ពុជា ដែលបានអនុវត្តក្នុងរយ:ពេលកន្លងមក នៅក្នុងព្រះបរមរាជវាំង រាជធានីភ្នំពេញ៕