ភ្នំពេញៈ លោក Bai Zhijian មានប្រសាសន៍ថា នេះជាសកម្មភាពមនុស្សធម៌ សប្បុរសធម៌រយៈពេលយូរក្នុងសង្គមស៊ីវិលចិន ដែលមានការចូលរួមពីគ្រូពេទជំនាញផ្នែកឱសថបុរាណចិនដ៏ល្បីឈ្មោះ ដើម្បីបង្កើនទំនាក់ទំនងការផ្លាស់ប្តូរការរាប់បញ្ចូលគ្នាការរៀនសូត្រពីគ្នាទៅវិញទៅមកនៃឱសថបុរាណចិន ដើម្បីធ្វើឲ្យប្រសើរឡើងនូវសុខមាលភាពប្រជាពលរដ្ឋ និងជំរុញការផ្លាស់ប្តូវប្បធម៌ និងបង្កើនទំនាក់ទំនងមិត្តភាព។

លោកមានប្រសាសន៍ទៀតថា ឱសថបុរាណចិនបានដើរតួនាទីយ៉ាងសំខាន់ក្នុងការព្យាបាលជំងឺនាពេលបច្ចុប្បន្ន ហើយជឿជាក់ថា តាមរយៈសកម្មភាបផ្តល់សេវាសុខាភិបាលដោយឥតបង់ថ្លៃនេះ អាចជំរុញដល់ការផ្លាស់ប្តូរផ្នែកសុខាភិបាលចិន និងកម្ពុជា ព្រមទាំងបានផ្តល់ឱកាសដល់ពលរដ្ឋកម្ពុជាទទួលបានសេវាសុខាភិបាលឱសថបុរាណចិននេះ។

លោក ប៉ៃ ហ្ស៊ីជាន បញ្ជាក់ថា ដំណើរទស្សនកិច្ចរបស់លោក ហ្ស៊ី ជីនពីង ព្រធានរដ្ឋចិនបានជំរុញឱ្យទំនាក់ទំនងភាពជាដៃគូសហប្រតិបត្តិការណ៍យុទ្ធសាស្ត្រគ្រប់ជ្រុងជ្រោយរបស់ចិន និងកម្ពុជា ឱ្យឡើងដល់កម្រិតខ្ពស់ថ្មី ហើយសកម្មភាពផ្លាស់ប្តូរលើកនេះជាការអនុវត្តន៍ជាក់ស្តែងនូវសមិទ្ធិផលនៃដំណើរទស្សនកិច្ចរបស់លោកប្រធានរដ្ឋនៅកម្ពុជា ក្នុងគោលបំណងចែករំលែកសមិទ្ធិផល វប្បធម៌ ឱសថបុរាណចិន និងការណែនាំសុខភាពជូនប្រជនកម្ពុជា។

លោកបណ្ឌិតរដ្ឋ ជាម យៀប សមជិកអចិន្រ្តៃយ៍រដ្ឋសភា និងជាប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម តំណាងដ៏ខ្ពង់ខ្ពស់សម្តេចអគ្គមហាពញាចក្រី ហេង សំរិន ប្រធានរដ្ឋសភាមានប្រសាសន៍ថា ដំណើរទស្សនកិច្ចផ្លាស់ប្តូរផ្នែកឱសថបុរាណចិននាពេលនេះ មានគោលដៅឈានទៅសម្រេចឲ្យបាននូវចំណុច៣សំខាន់ គឺ៖ ធ្វើឲ្យប្រសើរបាននូវសុខមាលភាពរបស់ប្រជាពលរដ្ឋកម្ពុជា ជំរុញការផ្លាស់ប្តូរវប្បធម៌យ៉ាងជិតស្និតរវាងកម្ពុជា-ចិន បង្កើនទំនាក់ទំនងរវាងកម្ពុជា-ចិន ដែលជាចំណងសាមគ្គីជាភាពដ៏ពិសិដ្ឋនិងមិនអាចកាត់ថ្លៃបាន។

ដំណើរទស្សនកិច្ចនេះ ភាគីចិនបាននាំមកនូវវេជ្ជបណ្ឌិតជំនាញៗដែលមានបទពិសោធន៍ ឈលើអាជីពផ្នែកឱសថបុរាណ និង សម្ភារៈសុខាភិបាល ដើម្បីមកពិនិត្យនិងព្យាបាលដោយឥតគិតថ្លៃជូនប្រជាពលរដ្ឋ ពីថ្ងៃទី១៦ដល់១៩តុលា ឆ្នាំ២០១៦ នេះសបញ្ចាក់ឱ្យឃើញថា ការជំរុញផ្លាស់ប្តូរវប្បធម៌គ្នាទៅវិញទៅមក ហើយក៏ជាការបង្កើនទំនាក់ទំនងមិត្តភាពល្អប្រសើររវាងគ្នានិងគ្នា តាំងអតីកាលរហូតដល់បច្ចុប្បន្ននិងទៅអនាគត។

ខ្ញុំសង្ឃឹមយ៉ាងមុតមាំថា ពិព័រណ៌រយៈពេល៣ថ្ងៃនេះ ប្រព្រឹត្តទៅដោយជោគជ័យជាមួយនិងការទទួលបាននូវផ្លៃផ្កាល្អប្រសើរដូចការរំពឹងទុក ដើម្បីរួមចំណែកជាមួយរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិនជាមហាមិត្ត ក្នុងដំណើរឆ្ពោះទៅរកវឌ្ឍភាព វិបុលភាព និងសុភមង្គលរបស់សង្គមជាតិទាំងពីកម្ពុជា-ចិន៕