ភ្នំពេញ: នគរបាលព្រហ្មទណ្ឌខណ្ឌមានជ័យបានសហការជាមួយកម្លាំងនគរបាលប៉ុស្តិ៍ស្ទឹងមានជ័យ ឃាត់ខ្លួនបុរសមេកន្ទុយលេខម្នាក់ ហើយក្រោយពីវាយខ្នោះយកមកសាកសួរនៅប៉ុស្តិ៍នគរបាលរួចមក ត្រូវបានដោះលែងទៅវិញយ៉ាងស្ងាត់ៗបំផុត។ ការចុះបង្រ្កាបនេះ បានធ្វើឡើងកាលពីរសៀលម៉ោង៣រសៀល ថ្ងៃទី២៨ ខែតុលា ឆ្នាំ២០១៦ ចំណុចផ្ទះរបស់មេកន្ទុយលេខ ដែលមានឈ្មោះ យ៉ែម មករា អាយុ៣៦ឆ្នាំ រស់នៅភូមិឫស្សី សង្កាត់ស្ទឹងមានជ័យ ខណ្ឌមានជ័យ រាជនីភ្នំពេញ។

តាមប្រសាសន៍របស់លោក ហ៊ួ ម៉េងវ៉ាង អធិការរងខណ្ឌមានជ័យបានឲ្យដឹងថា មេកន្ទុយលេខខាងលើនេះ គ្រាន់តែកត់បន្តិចបន្តួច ទើបចាប់យកមកអប់រំប៉ុណ្ណោះ ហើយត្រូវបានដោះលែងឲ្យមានសេរីភាពវិញហើយ៕