ព្រះសីហនុៈ នៅវេលាម៉ោង២និង៣៥នាទី ថៃ្ងទី១៧ ខែវិច្ឆិកា ឆ្នាំ២០១៦ មានករណីគ្រោះថ្នាក់ចរាចរណ៍មួយកើតឡើង តាមបណ្តោយផ្លូវជាតិលេខ​៤​ ចន្លោះ​គីឡូម៉ែត្រ​លេខ​១៣៨-១៣៩​ ក្នុង​ភូមិ-ឃុំចំការហ្លួង​ ស្រុកកំពង់សិលា​ ខេត្ត​ព្រះសីហនុ។

សមត្តកិច្ចបានឲ្យដឹងថា រថយន្តបង្ក គឺជារថយន្ត​ដឹក​ប្រេងរបស់ក្រុមហ៊ុន​LHR ពាក់ស្លាកលេខ ភ្នំពេញ៣រ-០០៩៥ សណ្តោងរ៉ឺម៉កពោងប្រេងពីក្រោយពាក់ស្លាកលេខ ​ភំ្នពេញ​ 4A-8587 បើកបរដោយឈ្មោះ​ ជឺន​ សំណាង​ ភេទប្រុស​ អាយុ៣០ឆ្នាំ​ មាន​ទី​លំ​នៅ​ភូមិ​ក្រាំង​ ឃុំធម្មតាអរ​ ស្រុកសំរោង​ទង​ ខេត្ត​កំពង់ស្ពឺ ក្នុងទិសដៅពីខេត្តព្រះសីហនុទៅភំ្នពេញ​ លុះដល់​ចំណុចកើតហេតុដែលជាចំណុចផ្លូវកោង ស្របពេលដែលរថយន្តបើកល្បឿនលឿនពេក ក៏បួងចង្កូតមិនទាន់ក្រឡាប់ទៅស្តាំដៃផ្លូវចម្ងាយ៣ម៉ែត្រទៅ៦ម៉ែត្រ ពីចិញ្ចើមផ្លូវ តែមិនបណ្តាលឲ្យមានគ្រោះថ្នាក់ដល់អ្នកដទៃ និងមិនមានការកកស្ទះចរាចរណ៍ឡើយ។

បច្ចុប្បន្ន កម្លាំងសមត្ថកិច្ចនៃស្នាក់ការសនិ្តសុខកងរាជអាវុធហត្ថ៤០២នៅការពារកនែ្លងកើតហេតុរង់ចាំក្រុមហ៊ុនយករថយន្តស្ទួចទៅជួលជុលនៅភំ្នពេញ៕