យោងតាមប្រភពព័ត៌មាន របស់ Daily Mail បានចុះផ្សាយ ឲ្យដឹងថា ក្លិបបិសាចក្រហម Manchester United បានជះទឹកលុយដេញតាមយ៉ាងខ្លាំង ដើម្បីចុះកុងត្រាជាមួយនឹង កីឡាករ Angel Di Maria ដោយផ្តល់ទំហំទឹកប្រាក់ ១៧០ លានដុល្លារ ដើម្បីយកកីឡាករលេងដ៏វៃឆ្លាតនេះ ចូលមកកាន់ក្លិបរបស់ខ្លួន។
លោក Van Gaal បានប្រាប់ដល់ ប្រធានប្រតិបត្តិ Ed Woodward នូវចំនួនទឹកប្រាក់ដែលគួរតែផ្តល់ឲ្យ Di Maria ក្នុងនោះរួមមានប្រាក់លេង មួយសប្តាហ៍ ៣៥០ ០០០ ដុល្លារ និង ថ្លៃសេវាផ្ទេរ ដំបូង ៨៣,២ លានដុល្លារ ។
កីឡាករសញ្ជាតិអាហ្សង់ទីន ពិតជាភ្ញាក់ផ្អើល ជាមួយនឹងរឿង ដ៏ពិតប្រាកដនេះ នូវតម្លៃទិញដូរ ដ៏ខ្ពស់ ហើយមានក្លិបធំ ផ្សេងទៀត ចង់បានខ្លួន ក្នុងនោះ គឺក្លិបយក្សបារាំង PSG ផងដែរ ។
សម្រាប់បិសាចក្រហម ការចាប់ផ្តើមរដូវកាលដំបូងរបស់ខ្លួន យើងឃើញថា ខ្វះចន្លោះខ្សែបម្រើខាងស្តាំង ដែលជាហេតុធ្វើឲ្យក្លិប ចាញ់ ក្ងានព្រៃ ២ – ១ ហើយ Van Gaal កំពុងតូចចិត្តតូចថ្លើម ជាមួយនឹងលទ្ធផលចាញ់នេះ និងបញ្ជាក់ថា ក្រុមរបស់លោក ត្រូវការកីឡាករខ្លាំងជាងមុន ៕
មតិយោបល់