ស្ទឹងត្រែង: បុរសម្នាក់ បានដេកស្លាប់ក្បែររបងអូស្កូរបង្កឲ្យមានការភ្ញាក់ផ្អើលដល់ប្រជាពលរដ្ឋនាំគ្នាទៅមើលទាំងព្រឹកព្រលឹម នៅព្រឹកថ្ងៃទី១៨ ខែវិច្ឆិកា ឆ្នាំ២០១៦ ត្រង់ចំណុចជិតប្រឡាយខាងកើតសាលាបឋមសិក្សាអនុវត្ត ស្ថិតក្នុងភូមិត្រពាំងព្រីង ក្រុងស្ទឹងត្រែង ខេត្តស្ទឹងត្រែង។

សមត្ថកិច្ចបានឲ្យដឹងថា ជនរងគ្រោះខាងលើនេះ សង្ស័យថាស្លាប់ដោយសារខ្យល់គរ ព្រោះថាជនរងគ្រោះជាមនុស្សដែលចូលចិត្តផឹកស្រាស្រវឹងស្ទើរតែរាល់ថ្ងៃ។ សមត្ថកិច្ចបន្តថា សពបុរសរងគ្រោះមានឈ្មោះ កៅ វុទ្ធី អាយុ២៩ឆ្នាំ មានស្រុកកំណើតនៅខេត្តកំពង់ចាម បច្ចុប្បន្នមករស់នៅភូមិ ក្រុងកើតហេតុខាងលើ។

បច្ចុប្បន្ន សពបុរសរងគ្រោះត្រូវបានសាច់ញាតិយកទៅធ្វើបុណ្យតាមប្រពៃណីហើយ៕