ព្រៃវែង: បើតាមសមត្ថកិច្ច បានឲ្យដឹងថា ករណីជួញដូរគ្រឿងញៀនមួយ បានកើតឡើងនៅថ្ងៃទី១៩ ខែវិច្ឆិកា វេលាម៉ោង៣ និង៥០នាទីរសៀល ត្រង់ចំនុចផ្ទះរបស់ឈ្មោះ សួ បូរី ហៅតឿស្ថិត នៅភូមិបាទី ឃុំពាមរក៏ ស្រុកពាមរក៏ ។

កម្លាំងការិយាល័យជំនាញខេត្តព្រៃវែង បានសហការជាមួយកម្លាំងអធិការដ្ឋាននគរបាល ស្រុកពាមរក៏ បានចាប់ជនសង្ស័យចំនួន ០៣នាក់ ទី១ឈ្មោះ ចាន់ សុវណ្ណារ៉ា ហៅខ្មៅ ភេទប្រុសអាយុ២០ឆ្នាំ ជនជាតិខ្មែរ មានទីលំនៅភូមិបាទីឃុំពាមរក៏ ស្រុកពាមរក៏ ទី២ ឈ្មោះ សួ សោភណ្ឌ័ ភេទស្រីអាយុ២១ ឆ្នាំ ជនជាតិខ្មែរ មានទីលំនៅភូមិបាទីឃុំពាមរក៏ និងទី៣ ឈ្មោះ នង សំណាង ភេទប្រុសអាយុ២១ឆ្នាំ ជនជាតិខ្មែរ មានទីលំនៅភូមិពោធិណាយ សង្កាត់ភ្នំពេញថ្មី ខណ្ឌ័សែនសុខរាជធានីភ្នំពេញ ដែលបច្ចុប្បន្នស្នាក់បណ្តោះអាសន្ននៅភូមិបាទី ឃុំពាមរក៏ ស្រុកពាមរក៏ ។

បន្ទាប់ពីឃាត់ខ្លួនរួច សមត្ថកិច្ចបានដកវត្ថុតាងមានដូចជា ថ្នាំញៀនចំនួន០៨កញ្ចប់ធំមួយ និងកញ្ចប់តូចចំនួន០៧ រួមនឹងសម្ភារ:ប្រើប្រាស់មួយចំនួន។

បច្ចុប្បន្នជនសង្ស័យខាងលើ ត្រូវបានឃាត់ខ្លួនបណ្តោះអាសន្ន នៅការិយាល័យជំនាញខេត្តព្រៃវែង៕