នៅទីបំផុត ទារិកា ធឿន មីមី ដែលមានអាយុទើបតែ ២ខែនោះ បានដល់ដៃឧកញ៉ា ហុង ពីវ ក្រោយពីលោកបានប្រកាសជួយដល់ទារិកាកម្សត់នេះ ជាសាធារណ: នៅលើបណ្តាញសង្គមហ្វេសប៊ុកកាលពីម្សិលមិញ។

នៅមុននេះបន្តិចរសៀលថ្ងៃទី១០ ខែតុលា ឆ្នាំ២០១៦ លោក ឧកញ៉ា ហុង ពីវ បានបង្ហាញរូបភាព និងសរសេរសាលើហ្វេសប៊ុកថា «បងៗឈប់បារម្ភទៀតទៅ ពេលនេះអូន ម៉ីម៉ី បានមកដល់ដៃប៉ាប៉ាអូនហើយ…»។

បញ្ជាក់ផងដែរថា បន្ទាប់ពីសារព័ត៌មាន Post News ចុះផ្សាយនូវអត្ថបទ «សាវិន ហ្វីលីព៖ ២សប្តាហ៍ទៀត ទារិកាមីមី មើលលែងឃើញ ទ្វីបលោក សូមលោក ហុង ពីវ ជួយផង» ពេលនោះដែរ គេឃើញលោក ឧកញ៉ា បានចូលទៅ Comments ថា «I am Helping her now,She will be in Phnom Penh soon» ដែលមានន័យជាភាសាខ្មែរថា «ខ្ញុំកំពុងជួយនាង ហើយនាងនឹងមកភ្នំពេញឆាប់ៗនេះ» ។ ទន្ទឹមជាមួយគ្នានោះដែរ លោកឧកញ៉ា បានចូលទៅ Comments ទៀតថា «She will get help by me ,don’t worry» ប្រែថា«នាងនឹងទទួលបានការជួយពីខ្ញុំ កុំបារម្ភអី»៕