មជ្ឈមណ្ឌលពាណិជ្ជកម្ម និងលំនៅដ្ឋាន Star City ជាគម្រោងដែលសាងសង់ឡើងចំនួន ៧ អគារ និងមានកម្ពស់ ១២ ជាន់ លើផ្ទៃដីទំហំ 3.៦ ហិកតា ដែលមានទីតាំងនៅតាមបណ្តោយមហាវិថីសហព័ន្ធរុស្ស៊ី។

តាមរយ:ការសម្ភាសន៍ជាមួយកញ្ញា ឈៀង វិនអ៊ីង អ្នកគ្រប់គ្រងផ្នែកលក់បានឲ្យដឹងថា បច្ចុប្ប Star City បានបញ្ចប់ការសាងសង់អគារ ចំនួន ២ ដែលជាអគារ សណ្ឋាគារ និងការិយាល័យ ចំណែកអគារចំនួន ៥ ទៀត ដែលផ្តោតលើបន្ទប់ស្នាក់នៅ (ជាខុនដូ) ក៏បានបញ្ចប់ការបុកគ្រឹះសាងសង់រួចរាល់ផងដែរ។

គម្រោងនេះត្រូវបានអភិវឌ្ឍដោយក្រុមហ៊ុន ថៃ ប៊ុនរុងគ្រុប និងសហការវិនិយោគជាមួយក្រុមហ៊ុនចិន ដែលគ្រោងនឹងបញ្ចប់នៅអំឡុងឆ្នាំ ២០១៨ ខាងមុខនេះ។

គួរបញ្ជាក់ផងដែរថា កាលពីពេលថ្មីៗនេះ គម្រោងថ្មីមួយទៀតរបស់ក្រុមហ៊ុន ថៃ ប៊ុនរ៉ុងគ្រុប គឺ “អគារភ្លោះមជ្ឈមណ្ឌលពាណិជ្ជកម្ម ថៃ ប៊ុនរ៉ុង” ដែលមានកម្ពស់ ១៣៣ ជាន់ និងជាអគារដែលខ្ពស់ជាងគេនៅអាស៊ាន បានប្រកាសជាផ្លូវការនឹងបើកការដ្ឋានសាងសង់ នៅថ្ងៃទី ១ ខែ សីហា ខាងមុខនេះផងដែរ៕