ក្លឹប Atletico Nacional បានស្នើទៅសមាគមន៍បាល់ទាត់ទ្វីបអាហ្វ្រ៊ីកខាងត្បូង ( CONMEBOL ) ដើម្បីផ្តល់ជើងឯកដល់ក្រុម Chapecoense ដែលបានទទួលគ្រោះថ្នាក់ក្នុងហេតុការណ៍ធ្លាក់យន្តហោះនាប្រទេសកូឡំប៊ី កាលពីម្សិលមិញ។ ចំណែក CONMEBOL បានបន្ថែមលក្ខខណ្ឌអនុគ្រោះ២ទៀតគឺ មិនកាត់ចោលពីលីគកំពូលរយ:ពេល៣ឆ្នាំ និង មានសឹទ្ធិខ្ចីជើងកីឡាករចូលដោយពុំគិតថ្លៃ។

ជើងហោះហើរលេខ AMI2933 ដែលក្រុម Chapecoense ធ្វើដំណើរទៅប្រកួតវគ្គផ្តាច់ព្រ័ត្រពាន Copa Sudamericana បានជួបគ្រោះថ្នាក់ធ្លាក់ ដោយសារអស់សាំង។ តាមសេចក្តីរាយការណ៍ចុងក្រោយ មកទល់ពេលនេះមានមនុស្សច្រើនជាង៧០នាក់ហើយក្នុងចំណោម៨១នាក់បានស្លាប់ រួមបញ្ចូលទាំងអ្នកចាំទីរបស់ Chapecoense ដែលទើបស្លាប់នៅមន្ទីរពេទ្យ។

ភ្លាមៗបេក្ខភាពវគ្គផ្តាច់ព្រ័ត្រ Atletico Nacional បានចេញសេចក្តីថ្លែងការណ៍បង្ហាញពីការសោស្តាយ និងបញ្ជាក់ចុងក្រោយថា “ Chapecoense ជាជើងឯកសម្រាប់យើងជារៀងរហូត “។