ក្លឹប Buriram United របស់ប្រទេសថៃបានខ្ចីជើងខ្សែប្រយុទ្ធម្នាក់របស់ក្រុមជម្រើសជាតិកូស្ដារីកាឈ្មោះថា Yendrick Ruiz ក្នុងរយ:ពេល១រដូវកាលពីក្លឹប Herediano ។
ហេតុផលដែលធ្វើឱ្យ Buriram ហ៊ានចំណាយធំយ៉ាងនេះគឺដោយសារតែខ្សែប្រយុទ្ធ Bruno Moreira សញ្ជាតិព័រទុយហ្គាល់របស់ពួកគេមានរបួសធ្ងន់ធ្ងរមែនទែន ដោយត្រូវសម្រាកព្យាបាលរយ:ពេលយូរឯណោះ។ ដូច្នេះហើយបានជាក្លឹបយក្សនៅថៃមួយនេះ សម្រេចស្វែងរកខ្សែប្រយុទ្ធថ្មីមកជំនួស ដោយម្នាក់នោះជា Yendrick Ruiz នេះឯង។
កីឡាករវ័យ២៩ឆ្នាំរូបនេះ គឺជាប្អូនប្រុសរបស់ខ្សែប្រយុទ្ធជម្រើសជាតិកូស្ដារីកានិងកីឡាករ Sporting ឈ្មោះថា Bryan Ruiz ។ Yendrick ជាផ្នែកសំខាន់មួយរបស់ក្រុម Herediano ក្នុងការលេងនៅលីគរបស់ប្រទេសគេ ខណ:ដែលការបង្ហាញខ្លួន១៤៨ប្រកួត រកបាន៦៧គ្រាប់។ ខ្សែប្រយុទ្ធរូបនេះលេងឱ្យក្រុមជម្រើសជាតិបាន៦ប្រកួតដែរ ដោយប្រកួតចុងក្រោយរបស់គេគឺលេងទល់ក្រុមបាណាម៉ា នៅព្រឹត្តិការណ៍ជម្រុះ World Cup កាលពីខែកក្កដាឆ្នាំ២០១៦កន្លងទៅនេះ៕
មតិយោបល់