ក្លឹបយក្សបារាំង Paris Saint-Germain កំពុងតែរៀបចំសំណើរជាលើកទី៣ ដើម្បីឱ្យលោក Arsene Wenger មកដឹកនាំក្រុមនៅរដូវកាលក្រោយនេះ ក្រោយពីអ្នកដឹកនាំបច្ចុប្បន្នហាក់មិនទាន់ល្អដល់កម្រិត។
កាសែតនៅបារាំងជាច្រើនបានដាក់ចំណង់ជើងយ៉ាងធំៗថា PSG មានភាគរយខ្ពស់មែនទែនក្នុងការនាំយក Wenger មកដឹកនាំក្រុម ខណ:ដែលកុងត្រារបស់អ្នកចាត់ការរូបនេះក៏នឹងអស់នៅចប់រដូវកាលនេះហើយ។ បុរសវ័យ៦៧ឆ្នាំរូបនេះ ដឹកនាំក្រុម Arsenal តាំងពីឆ្នាំ១៩៩៦មក ហើយលោកក៏បានបញ្ជាក់ទៀតចង់ដឹកនាំក្រុមនេះឱ្យអស់កុងត្រាសិន មុនសម្រេចចិត្តទៅដឹកនាំក្រុមផ្សេងទៀត។ ដូច្នេះហើយបានជាគេចុះផ្សាយថា PSG មានឱកាសនាំអ្នកចាត់ការរូបនេះទៅបាន លុះត្រាតែផុតកុងត្រាសិន។
PSG បច្ចុប្បន្នកំពុងតែស្ថិតនៅលេខរៀងមិនល្អនោះទេក្នុងតារាងលីគកំពូលបារាំង ក្រោមការដឹកនាំរបស់លោក Unai Emery ដែលទើបតែឡើងកាន់តំណែងនៅរដូវកាលនេះ ក្រោយពីជួយ Sevilla លើកពាន Europa League រួចមក។ ដោយមើលឃើញលទ្ធផលមិនសូវល្អនេះហើយ បានជាប្រធានក្លឹបយក្សនៅទីក្រុងបារីសរូបនេះ ចង់បានអ្នកដឹកនាំថ្មី៕
មតិយោបល់