ក្រុមម្ចាស់ការពារតំណែងជើងឯកអាណាចក្របៃតង បានទម្លាក់ក្រុមខ្លាំងយុវជនក១២ ត្រឹមវគ្គចែកពូលពានរង្វាន់ Soccer League លើកទី៤ ឆ្នាំ២០១៦ កាលពីម្សិលមិញ នៅពហុកីឡដ្ឋានជាតិ។

ជ័យជម្នះតាមរយ:ការវាយបកដោយលទ្ធផល ២-១ លោក ភា សុភក្ត្រា ជាគ្រូបង្វឹកបាននិយាយថា លោកបានរៀបចំយ៉ាងល្អិតល្អន់ ពិសេសបានពិភាក្សាជាមួយលោក កែវ កុសល និងលោក មាស ចាន់ណា អំពីយុទ្ធសាស្ត្រប្រកួត ការប្តូរកីឡាករ និង បច្ចេកទេសវាយបកពេលគេនាំមុខ។

លោកបន្តថា តាមរយ:ការបើកចិត្តទទួលយកគំនិតពីសមាជិកក្នុងក្រុម និងការយល់ចិត្តគ្នានេះ បានធ្វើឲ្យក្រុមសម្រេចបានជោគជ័យ ដោយបានកៅអីមួយទៅវគ្គ១៦ក្រុម ខណ:ក១២ ត្រូវធ្លាក់ទាំងខកចិត្ត។

អាណាចក្របៃតង ថ្វីត្បិតបើត្រូវគេនាំមុខមុនស្ទើរគ្រប់ការប្រកួត ប៉ុន្តែក្រុមសំបូរកីឡាករចាស់វស្សាមួយនេះ តែងវាយបកយកឈ្នះវិញបានជានិច្ច ដើម្បីបន្តដំណើរទៅវគ្គផ្តាច់ព្រ័ត្រការពារតំណែងជើងឯក។