ការប្រកួតពានរង្វាន់លីគកំពូលកម្ពុជារដូវកាល ២០១៧ ក្នុងជំនួបសប្តាហ៍ទី ១១ រវាងក្លិបបាល់ទាត់ ក្រសួងការពារជាតិ នឹងត្រូវទទួលស្វាគមន៍ ក្លិបបាល់ទាត់អគ្គិសនីកម្ពុជា នាវេលាម៉ោង ៦:០០ នាទីល្ងាច លើកីឡដ្ឋានកងយោធពលខេមរភូមិន្ទ (ស្ដាតចាស់) នៅថ្ងៃ សៅរ៍ ទី ១៣ នេះ ខណៈលោក ទេព ឡុងរចនា បាននិយាយកាលពីសប្តាហ៍មុនថាត្រូវការឈ្នះជាចាំបាញ់ក្នុងជំនួបលើកនេះ ។

ម្ចាស់ផ្ទះ ក្រសួងការពារជាតិ កំពុងមានពិន្ទុស្មើគ្នាជាមួយក្រុមកំពូលតារាង ដោយ ១០ ប្រកួតកន្លងក្នុងនោះឈ្នះ ៦ ដង ស្មើ ៣ ដង និងចាញ់ម្ដង មាន ២១ ពិន្ទុក្នុងដៃ ខណ៖ អគ្គិសនីកម្ពុជា កំពុងតែស្ថិតនៅក្នុងចំណាត់ថ្នាក់លេខ ១០ នៃតារាងពានរង្វាន់លីគកំពូលកម្ពុជារដូវកាល២០១៧ នេះ ដោយប្រកួតបាន ១០ ដង ឈ្នះ ៣ ដង ស្មើរ ១ ដង និងចាញ់ ៦ ដង មាន ១០ ពិន្ទុក្នុងដៃ៕