ខ្សែប្រយុទ្ធ ឃួន ឡាបូរ៉ាវី បានបង្ហាញនូវការប្តេជ្ញាចិត្តយ៉ាងមុតមាំរបស់ខ្លួនក្នុងការផ្តួល វៀតណាម នៅមុនពេលការប្រកួតជម្រុះពូល C នៅក្នុងជម្រុះ Asian Cup ។

កីឡាករកម្ពុជាបានខិតខំយ៉ាងខ្លាំងក្នុងការហ្វឹកហាត់មុនពេលទទួលក្រុមជម្រើសជាតិវៀតណាម នៅថ្ងៃអង្គារ ទី០៥ ខែកញ្ញា នេះ។ ខ្សែប្រយុទ្ធរបស់ក្លិបបឹងកេតបាននិយាយថា៖ “យើងកំពុងផ្តោតអារម្មណ៍លើការប្រកួតនេះ (ប្រឆាំងនឹងវៀតណាម) ដូច្នេះយើងទាំងអស់គ្នាខិតខំប្រឹងប្រែងអស់ពីសមត្ថភាពរបស់យើងក្នុងការហ្វឹកហាត់ទាំងអស់ហើយយើងសង្ឃឹមថាការខិតខំរបស់យើងនឹងទទួលបានលទ្ធផលនៅថ្ងៃប្រកួត” ។

ក្រុមគោព្រៃខៀវកំពុងឈរក្នុងចំណាត់ថ្នាក់លេខ ២ ក្នុងពូល C ជាមួយនឹង ៣ពិន្ទុ បន្ទាប់ពីជ័យជម្នះលើអាហ្វហ្គានីស្ថាន កាលពីថ្ងៃទី ១៤ ខែមិថុនា ខណៈដែលក្រុមវៀតណាម ទើបតែមាន ២ពិន្ទុ៕