ថ្មីនេះ កីឡាករមួយចំនួនរបស់ក្រុមកាំភ្លើងធំ Arsenal បានលេចធ្លាយនូវពត៌មានជាច្រើន នៃការចាកចេញពីក្លិបរួមមាន Alexis Sanchez, Metzu Ozil និង Theo Welcott ។

យ៉ាងណាវិញ បើតាមការចុះផ្សាយរបស់ Daily Star បានឲ្យដឹងថា ថ្វីបើកំពុងមានវិបត្តិកីឡាករចង់ចាកចេញ​មួយចំនួន តែលោក Arsene Wenger បានសម្លឹងឃើញ​កីឡាករមួយរូបវិញហើយ។ កីឡាករដ៍ឆ្នើមដែល Arsenal សម្លឹងឃើញនោះ គឺកីឡាករវ័យក្មេងបារាំង Anthony Martial របស់ក្រុមបីសាចក្រហម Manchester United ។ តាមរយៈការសម្លឹងឃើញនេះ ក្រុមកាំភ្លើងធំ Arsenal មានបំណងចង់នាំយកកីឡាកររូបនេះឲ្យបាន នៅទីផ្សារដោះដូរកីឡាករនាខែមករាខាងមុខនេះ។

យ៉ាងណាវិញ សម្រាប់ក្រុមបីសាចក្រហម Manchester United វិញ ហាក់ដូចជាមិនចង់បាត់បង់កីឡាករវ័យក្មេងបារាំងរូបនេះឡើយ បើទោះបីជាការលេង នៅ Pemier League Martial មិនស្ថិតក្នុងជម្រើស ១១នាក់ដំបូង ក៍ប៉ុន្តែ នៅ Champion League វិញ កីឡាកររូបនេះ ភាគច្រើនលេងក្នុងជម្រើស ១១នាក់ដំបូង របស់ Man Utd ។ ម្យ៉ាងវិញទៀតនោះ Martial កំពុងតែលេងបានយ៉ាងល្អ ឲ្យ Man Utd ដែលអាចផ្លាស់ប្តូរគ្នាបានជាមួយនឹង តារាវ័យក្មេងអង់គ្លេស​ Marcus Rashford ខណៈអ្នកណាអវត្តមានម្នាក់នោះ។

ដូច្នេះហើយ សម្រាប់ Arsenal ដែលចង់ទិញ Anthony Martial នៅទីផ្សារ​ដោះដូរកីឡាករ នាខែមករាខាងមុខនេះ គឺមិនងាយស្រួលឡើយ ដែល Arsenal អាចយក Martial ពី Man Utd បាននោះ ព្រោះថា លោក Jose Mourinho គ្មានបំណងលក់កីឡាកររូបនេះឡើយ។