បន្ទាប់ពីមានពត៌មានជាច្រើន នាពេលកន្លងមក ដែលចុះ​ផ្សាយឲ្យដឹងនាពេលកន្លងមកថា ក្រុម Real Madrid កំពុងតាមចែរចូវ ខ្សែប្រយុទ្ធ Harry Kane ពីក្រុម Tottenham រួចមក នាពេលនេះ ក្រុមយក្សអេស្ប៉ាញមួយ​នេះ ចាប់អារម្មណ៍កីឡាករមួយរូបទៀតហើយ របស់ Spurs ។

បើតាមការចុះផ្សាយរបស់ Sky Sports បានឲ្យដឹងថា Real Madrid នឹងមិននាំយក Harry Kane ម្នាក់ឯងនោះឡើយ ក្រុមយក្សអេស្ប៉ាញមួយនេះ នឹងយកទាំង Dele Alli បន្ថែមម្នាក់ទៀត។ ជាក់ស្តែងណាស់ Real Madrid កាន់តែចាប់អារម្មណ៍លើខ្សែបម្រើប្រយុទ្ធ Dele Alli កាន់តែខ្លាំង​ ក្នុងជំនួប Champion League កន្លងមក ដោយកីឡាករវ័យក្មេងរូបនេះ ស៊ុត២ គ្រាប់ក្នុងចំណោម ៣គ្រាប់ ដែល Spurs ស៊ុតចូល Real Madrid ។ យ៉ាងណាវិញ Real Madrid ក៍មិនបោះបង់ការចាប់យក Harry Kane ឡើយ ដោយក្រុមអេស្ប៉ាញមួយនេះ ត្រៀមចំណាយលុយមហាសាល ក្នុងការនាំយក Harry Kane និង Dele Alli ទាំង២នាក់តែម្តង ក្នុងពេលឆាប់ៗ​នេះ ព្រោះថា Real Madrid កំពុងតែលេងធ្លាក់កូដយ៉ាងខ្លាំង នាពេលបច្ចុប្បន្ននេះ។

ម្យ៉ាងវិញទៀតនោះ Real Madrid ក៍ប្រហែលជាលក់​ចេញ​កីឡាករមួយចំនួនផងដែរ ដូចជា Karim Benzema, Gareth Bale និង Caemiro ឬក៍ Mateo Kovacic ដើម្បីកាត់បន្ថយការចំណាយច្រើនរបស់ក្លិប ក្នុងការទិញយក Kane និង Alli ខណ:តាមការឲ្យដឹងរបស់ Sky Sports ខកីឡាករអង់គ្លេសទាំងពីររូបនេះ អាចតម្រូវឲ្យ Real Madrid ចំណាយជិត ៤០០លានអឺរ៉ូ ( Harry Kane ប្រមាណជា ២៥០លានអឺរ៉ូ និង Dele Alli ជិត ១៥០លាន​អឺរ៉ូ ) ។

ដូច្នេះហើយ Real Madrid នឹងមិនទុកដល់រដូវក្តៅ​ក្រោយនេះឡើយ ដោយក្រុមយក្សអេស្ប៉ាញមួយនេះ ប្រហែលជាទិញយកកីឡាករឆ្នើមអង់គ្លេស ទាំងពីររូបនេះ នៅខែមករាខាងមុខនេះ ជាក់ជាមិនខាន។