ម្ចាស់ក្លិបបាល់ទាត់ តោខៀវ Chelsea លោក Roman Abramovich បានគម្រាមបណ្តេញលោក Antonio Conte ចេញពីតំណែងប្រសិនបើគ្រូបង្វឹកសញ្ជាតិអ៊ីតាលី រូបនេះ មិនអាចកែប្រែស្ថានការណ៍ឲ្យកាន់តែប្រសើរ នៅ Champion League ជាងនេះទេនោះ។

បើតាមការចុះផ្សាយរបស់ប្រភព Marca បានឲ្យដឹងថា លោក Roman Abramovich កំពុងតែមិនសប្បាយចិត្តចំពោះលទ្ធផល នៅ Champion League ឡើយក្រោយពីចាញ់ក្រុម Roma ក្នុងលទ្ធផល ៣-០ ។ យ៉ាងណាវិញ លោក Abramovich បានគម្រាមដកតំណងលោក Conte ប្រសិនបើលោកមិន​អាចដឹកនាំក្រុមតោខៀវ Chelsea ឲ្យឆ្លងផុតវគ្គចែកពូល Champion League ទេនោះ ព្រោះថា ៧ពិន្ទុដែល Chelsea មាននៅពេលនេះ មិនទាន់សុវត្ថិភាពនៅឡើយទេ ដោយត្រូវរង់ចាំអ៊ុតមើល ២ប្រកួតទៀត។ ម្យ៉ាងវិញទៀតនោះ នៅក្នុងពូលជាមួយគ្នានេះ រវាងក្រុម Roma , Chelsea និង Atletico Madrid សុទ្ធសឹងមិនទាន់កក់កៅអីឡើងទៅវគ្គ ១៦ក្រុមចុងក្រោយឡើយ ជាហេតុធ្វើឲ្យក្រុមទាំង៣ នេះ ត្រូវប្រជែងគ្នាយ៉ាងខ្លាំង។

សម្រាប់លោក Roman Abramovich វិញរដូវកាលនេះ Premier League លោកហាក់ដូចជាមិនសូវចាប់អារម្មណ៍ឡើយ ព្រោះថាតំណែងក្រុមកំពូលតារាងទាំង៤ គិតត្រឹមសប្តាហ៍ទី១០កន្លងមក មានឈ្មោះក្រុមតោខៀវ Chelsea នៅឡើយ។ ក៍ប៉ុន្តែអ្វីដែលជាកង្វល់របស់លោក Abramovich នោះគឺ​ ការលេងក្នុងពានរង្វាន់ Champion League ដែលលោកជឿជាក់ថា Chelsea នឹងធ្វើបានល្អ ព្រមទាំងអាចដណ្តើមយកពាននេះបាន​ផង​ដែរ។ យ៉ាងណាវិញ លទ្ធផលក្នុងវគ្គចែកពូលកន្លងមកនេះ ហាក់មិនទាន់ប្រសើរឡើយ​សម្រាប់លោក Abramivic ព្រោះថាក្រុមបីសាចក្រហម Manchester United, Manchester City និង Tottenham បានកក់កៅអីឡើងវគ្គបន្តអស់ហើយនៅឡើយតែ Chelsea និង Liverpool ។​

ដូច្នេះហើយ លោក Roman Abramovic ចង់ឲ្យលោក Antonio Conte ដឹកនាំ Chelsea ឆ្លងផុតវគ្គចែកពូល ប្រសិនបើមិនអាចឆ្លងផុតទេ​នោះ តំណែងរបស់លោក Conte ប្រហែលជាមានវាសនា ដូចលោក Jose Mourinho ជាក់ជាមិនខាន។