នេះគឺជារឿងដ៍អស្ចារ្យមួយ សម្រាប់ខ្សែប្រយុទ្ធវ័យក្មេង អ៊ុីតាលី Andre Belotti ដែលមានអ្នកគាំទ្រផ្កាប់មុខមួយរូប ជាកូនប្រុសរបស់ តារា​បាល់ទាត់ដ៍ឆ្នើម​ Leonardo Bonucci ។

ខ្សែប្រយុទ្ធ Andre Beotti បើទោះបីជារដូវកាលនេះ មិនលេចធ្លោដូចរដូវកាលមុនក៍ដោយ តែកីឡាករអ៊ីតាលី រូបនេះ នៅតែជាទីចាប់អារម្មណ៍ របស់ក្លិបបាល់ទាត់ធំៗដដែល។ ក្នងនោះដែរ តាមការឲ្យដឹង​របស់ The Sun កីឡាករ Andre Belotti មានFan ផ្កាប់មុខម្នាក់ ដែលជាកូនប្រុសបង្កើតរបស់ខ្សែការពារដ៍ឆ្នើម Leonardo Bonucci ។ ជាក់ស្តែងណាស់ ក្រោយចប់ការ​ប្រកួតដែលក្រុម Torino លេងបានត្រឹមស្មើ​ ០-០ ជាមួយ AC Milan នោះ Belotti បានដោះអាវរបស់គេ យកទៅឲ្យ កូនប្រុស Bonucci គឺកុមារ Lorenzo Bonucci ។

គួរបញ្ជាក់ផងដែរថា កុមារ​ Lorenzo ទើបតែមានអាយុ ៤ឆ្នាំប៉ុណ្ណោ ក៍ប៉ុន្តែ Lorenzo គឺជាអ្នកគាំទ្រក្លិប Torino ជាពិសេសនោះ គឺខ្សែប្រយុទ្ធ កំពុងមានប្រជាប្រិយភាព Andre Belotti ។ Lorenzo តែងតែមើលការប្រកួតរបស់ Torino ហើយគេមានក្តីស្រម៉ៃថា នឹងបានជួបផ្ទាល់ថតរូប​ជាមួយ Belotti ព្រមទាំងទទួលបានអំណោយ ពីកីឡាករ​រូបនេះផងដែរ។ យ៉ាងណាវិញ នោះ Lorenzo ទទួលបានជោគជ័យហើយ ព្រោះថាមិនត្រឹមតែ បានថតរូប​ ប៉ុណ្ណោះទេ កុមាររូបនេះ ថែមទាំងទទួកបានអាវពី Andre Belotti ផងដែ។

ដូច្នេះហើយ ខ្សែប្រយុទ្ធ Andre Belotti មិនត្រឹមតែទទួលបានការគាំទ្រ ពីអ្នកទស្សនាបាល់ទាត់ឡើយ សូម្បីតែកូនប្រុសរបស់ កីឡាករ​ Leonardo Bonucci ក៍ជាអ្នកគាំទ្ររបស់ខ្សែប្រយុទ្ធអ៊ីតាលី រូបនេះដែរ។