អ្នកចាំទីអេស្ប៉ាញ David De Gea បានត្រៀមបន្តកុងត្រាថ្មី ជាមួយក្រុមបីសាចក្រហម Manchester United ក្នុងបំណងផ្តាច់ក្តីសង្ឃឹមរបសក្រុម Real Madrid ដែលចង់បានរូបគេផ្លាស់ទៅកាន់ Bernabeu នៅរដូវកាលក្រោយនោះ។

បើតាមការចុះផ្សាយរបស់ Times-Subcription បានឲ្យដឹងថា អ្នកចាំទីអេស្ប៉ាញ David De Gea បានត្រៀមបន្តកុងត្រាថ្មី ជាមួយក្រុមបីសាចក្រហម Manchester United ។ ការយល់ព្រមបន្តកុងត្រាថ្មី​នេះដែរ អាចធ្វើឲ្យក្រុម Real Madrid បន្តខកបំណងក្នុងការចង់បាន អ្នកចាំទីដៃស្អិតរូបនេះ ព្រោះថា ក្លិបយ្សអេស្ប៉ាញ មួយនេះ បានចំណាយពេលច្រើនឆ្នាំមកហើយ ក្នុងការចែរចង់ David De Gea ពីក្រុមបីសាចក្រហម Manchester United ។ យ៉ាងណាវិញ David De Gea ហាក់សប្បាយចិត្តក្នុងការប្រកបអាជីពនៅ Old Trafford ខណៈកន្លងមក De Gea បានប្រាប់អ្នកសារពត៌មានថា រូបគេបានឆ្លងកាត់រឿងរ៉ាវជាច្រើន ជាមួយ Man Utd ដែលធ្វើឲ្យរូបគេចងចាំមិនភ្លេចឡើយ។

ដោយហេតនេះហើយ ការបន្តកុងត្រាថ្មី របស់ David De Gea ជាមួយ Man Utd នេះដែរ វាជារឿងល្អ សម្រាប់ក្លិបអង់គ្លេសមួយនេះ ដែលអាចរក្សាអ្នកចាំទីយ៉ាងល្អរូបនេះបាន ខណៈក្រុម Real Madrid វិញ នៅតែបន្តខកចិត្តក្នុងការតាមប្រមាញ់​ De Gea ជាថ្មីម្តងទៀត។