ក្រុមម្ចាស់ជើងឯក FIFA World Cup 2014 ឥន្ទ្រីដែក អាឡឺម៉ង់ បានយកឈ្នះក្រុមមកពីតំបន់អាស៊ីអូស្ត្រាលី ត្រឹម ៣-២ ប៉ុណ្ណោះ ក្នុងជំនួបដំបូង Confederation Cup 2017 នៅប្រទេសរុស្ស៊ី។

ថ្វីបើអាឡឺម៉ង់ មិនបានដាក់កីឡាករពេញជើង ក្នុងជំនួបជាមួយអូស្ត្រាលីមែន តែក្រុមមកពីតំបន់អឺរ៉ុបមួយនេះ បានយកឈ្នះយ៉ាងប្រថិតប្រថោយលើក្រុមម្ចាស់ជើងឯកទ្វីបអាស៊ី ៣-២។ វាគឺជាការប្រកួតដ៍ស្វិតស្វាញមួយ សម្រាប់ជំនួបដ៍សំខាន់នេះ ខណះក្រុមអាឡឺម៉ង់អាចរកគ្រាប់បាល់នាំមុខមុនតាំងពីនាទីទី ៥ ដោយការស៊ុតបញ្ចូលទីរបស់កីឡាករ Stindl តែត្រូវបានតាមស្មើមកវិញ ដោយកីឡាកររបស់អូស្ត្រាលី Rogic នៅនាទីទី ៤១។ ភ្លាមៗ អាឡឺម៉ង់បានធ្វើការវាយលុករហូតនៅនាទីទី ៤៥ កីឡាករ Draxler របស់អាឡឺម៉ង់បានស៊ុតបាល់ ១១ម៉ែត្រឲ្យក្រុមអាឡឺម៉ង់នាំមុខបណ្តោះអាសន្នលើក្រុម អូស្ត្រាលី ក្នុងតង់ទី១ ដោយលទ្ធផល ២-១។

រហូតដល់តង់ទី២ ក្រុមទាំង២ អាចរកបានគ្រាប់បាល់បន្ថែមត្រឹមម្នាក់ ១គ្រាប់ អាឡឺម៉ង់រកបានដោយ កីឡាករ Goretzka នៅនាទីទី ៤៨ ខណះអូស្រ្តាលីរកបានដោយ កីឡាករ Juric នៅនាទីទី ៥៨វិញ។ ក្រោយចប់ការប្រកួតក្រុមអាឡឺម៉ង់ បានយកឈ្នះក្រុមអូស្ត្រាលី ៣-២ មាន ៣ពិន្ទុ ឈេលេខ ២ក្នុងពូល B ស្របពេលដែល ឈីលី ឈេលេខ ១ក្នុងពូលមាន ៣ពិន្ទុដូចគ្នា។