ថ្វីបើខ្សែការពារឆ្នើមៗមួយចំនួនរបស់ក្រុម បីសាចក្រហម Manchester United បានជាពីរបួសអស់ហើយក៍​ដោយ ក៍ប៉ុន្តែក្លិបអង់គ្លេសមួយនេះ នៅតែចង់បានខ្សែការ​ពារដ៍រឹងមាំថ្មីបន្ថែមទៀត។

ជាក់ស្តែងណាស់​ បើតាមការចុះផ្សាយរបស់ Manchester Evening បានឲ្យដឹងថា ក្រុមបីសាចក្រហម Manchester United នៅតែចិញ្ចឹមចិត្តចង់បានខ្សែការពារបារាំង Raphael Varane ពីក្រុម Real Madrid ។ Varane គឺជាខ្សែការពរដ៍រឹងមាំមួយរូបរបស់ក្រុម Real Madrid បន្ទាប់ពី Pepe បានចាកចេញ កាលពីរដូវក្តៅកនង្លមក។ បើទោះបីជា Raphael Varane មិនបានបង្ហាញខ្លួន ១១នាក់ដំបូងនៅ Laliga គ្រប់ការប្រកួតក៍ដោយ ក៍ប៉ុន្តែ Varane តែងតែមានវត្តមានជានិច្ច ក្នុងជំនួបធំៗ របស់ Real Madrid ។

ម្យ៉ាងវិញទៀត Varane មិនត្រឹមតែការពាររឹងមាំ ជាមួយល្បឿនយ៉ាងលឿនរបស់​គេឡើយ ចំពោះការឆ្មក់រកគ្រាប់បាល់ ក៍កីឡាកររូបនេះ មានភាពប៉ិនប្រសព្វផងដែរ។ យ៉ាងណាវិញនោះ ការចង់បាន Raphael Varane ទៅកាន់ Old Trafford នៅរដូវកាលក្រោយនេះ លោក Jose Mourinho ជឿជាក់ថា​​ Varane នឹងក្លាយជា Rio Ferdinand ថ្មី របស់ Man Utd ជាក់ជាមិនខាន។

ដូច្នេះហើយ ក្រុមបីសាចក្រហម Manchester United បានត្រៀមរួចហើយ ក្នុងការចរចារជាមួយក្រុម Real Madrid ដើម្បីនាំយក Raphael Varane នៅរដូវក្តៅខាងមុខនេះ។