ខ្សែបម្រើអង់គ្លេស ដែលមានរហស្សនាមថា បងគោ Alex Oxlade-Chamberlain បានពោលពាក្យឌឺដង ដល់អ្នកដែលធ្លាប់រិះគន់រូបគេ នាពេលកន្លងមកទាក់ទង​ហ្នឹងការចាកចេញពីក្រុមកាំភ្លើងធំ ផ្លាស់មកកាន់ ក្រុមហង្សក្រហម Liverpool ។

ជាក់ស្តែងណាស់ តាមរយៈការចុះផ្សាយរបស់ The Mirror បានឲ្យដឹងថា​​ Alex Oxlade-Chamberlain បាននិយាយថា ” អ្នកថាខ្ញុំឆ្គួត ដែលយល់ព្រមចាកចេញពី Arsenal មកកាន់ Liverpool នៅពេលនេះ ត្រូវបានបញ្ចប់ហើយ ” ។ Alex Oxlade-Chamberlain បានឲ្យដឹងទៀតថា កាលពីមុន នៅពេលដែលរូបគេ សម្រេចចិត្តចាកចេញ មកកាន់ Liverpool មិនថាអ្នកគាំទ្រ ឬមតិមួយចំនួន បានរិះគន់ ថា Chamberlain ឆ្គួតខ្លាំងណាស់ ដែលចាកចេញពី Arsenal សម្លឹង Liverpool ។

ក៍ប៉ុន្តែ​ នាពេលបច្ចុប្បន្ន​នេះ អ្នកដែលរិះគន់ទាំងអស់នោះ ប្រហែលជាហៅលែងលឺ​ហើយ ព្រោះថា Alex Oxlade-Chamberlain កំពុងតែ​ធ្វើបានយ៉ាងល្អ ជាមួយហង្សក្រហម Liverpool ដោយស្ថិតក្នុងក្រុមកំពូលតារាង ទាំង៤នៅ Premier League រួមទាំងការឈានទៅរកវគ្គ ៨ក្រុមចុងក្រោយ​ Champion League ក្រោយពីយកឈ្នះទាំង២ជើង លើ Porto ៥- ០ ។ ក្រឡេកមើលទៅក្រុម Arsenal វិញ ហាក់ធ្លាក់ចុះយ៉ាងខ្លាំង ដោយកំពុងឈរលេខ ៦ក្នុងតារាង រួមទាំង Europa League វិញ ត្រូវប្រឈមជាមួយក្រុមខ្លាំងអ៊ីតាលី AC Milan ទៀត ជាហេតុធ្វើឲ្យ Arsenal កាន់តែព្រួយបារម្ភយ៉ាងខ្លាំង។

យ៉ាងណាវិញ Alex Oxlade-Chamberlain បានិយាយដោយចំថា ការផ្លាស់មកកាន់ក្រុមហង្សក្រហម Liverpool គឺជារឿងដ៍ត្រឹមត្រូវមួយ មិនមែនជារឿងដ៍ឆ្គួត​មួយដូចដែលអ្នករិះគន់ ធ្លាប់វាយប្រហារកន្លងមកឡើយ។