បន្ទាប់ពីទទួលបានជោគជ័យ ក្នុងអាជីពជាមួយក្រុម Bayern Munich នារដូវកាលនេះ​ កន្លងមក​ ខ្សែបម្រើប្រយុទ្ធកូឡុំប៊ី James Rodriguez កំពុងតែណែនាំអតីតមិត្តរួមក្រុមរបស់ខ្លួន ឲ្យមកកាន់ក្លិបកំពូលអាឡឺម៉ង់ ជាមួយ​រូបគេនៅរដូវកាលក្រោយនេះ។

បើតាមការចុះផ្សាយរបស់ Diario Gol បានឲ្យដឹងថា James Rodriguez បានព្យាយាម ណែនាំ អតីតមិត្តរួមក្រុម Alvaro Morata ឲ្យផ្លាស់មកកាន់ក្លិប​បាល់ទាត់ Bayern Munich នៅរដូវកាលក្រោយ។ ការធ្វើបែបនេះ ដោយសារតែ នាពេលកន្លងមកនេះ មានលេចលឺពត៌មាន ក្រុម Bayern Munich ចង់បាន Morata មកជំនួសតំណែងរបស់ Robert Lewandowski ដែលទំនងជាចាកចេញ នៅក្រោយបញ្ចប់រដូវកាលនេះ។ អ្វីដែលគួរឲ្យចាប់អារម្មណ៍ មួយទៀតនោះ គឺក្រុម Real Madrid ឯណោះវិញ ក៍មានបំណងចង់នាំយក Morata ត្រឡប់ទៅវិញដែរ ខណៈ James Rodriguez បានព្យាយាមរារាំង ការវិលទៅកាន់ Bernabeu ជាថ្មីម្តងទៀត របស់ខ្សែប្រយុទ្ធអេស្ប៉ាញរូបនេះ។

James បាននិយាយថា៖ Morata គួរតែមកកាន់ Bayern Munich ទើបប្រសើរ ព្រោះថានៅទីនេះ ស្វាគមន៍វត្តមាន Morata មកក្នុងនាមជាខ្សែ​ប្រយុទ្ធ​ជួរមុខរបស់ក្លិប ដើម្បីជំនួស Lewandowski ការផ្លាស់ទៅកាន់ Real Madrid អាចជារឿងខុសឆ្គងសម្រាប់រូបគេ Real កំពុងចង់បាន Lewandowski ដូចគ្នា បើសិក្លាយជាការពិតនោះ Morata នៅតែអង្គុយកៅអីបម្រុងដដែល មិនខុសពីជំនាន់ផ្លាស់ពី Juventus មក Real កាលពីឆ្នាំ ២០១៥ ឡើយគឺ​មក​អង្គុយមើល Benzema លេង ខណៈពេលនេះ ប្រហែលជាមកមើល​ Lewandowski លេងវិញម្តង។