ព័ត៌មានកីឡា

អាចទេ ថាក្រុម សូលទីឡូអង្គរ អាចមានកីឡាករជាប់ជម្រើសជាតិច្រើន?

ដោយសារតែគ្រូជម្រើសជាតិកម្ពុជាថ្មី ដែលដឹកនាំគឺជាប្រធានក្លិប សូលទីឡូអង្គរ ដូច្នេះមានមតិជាច្រើនបានលើកឡើងថា ក្លិបដែលមានមូលដ្ឋាននាខេត្តសៀមរាបនេះ អាចជាប់ជម្រើសជាតិច្រើន នាជំនួបមិត្តភាពខាងមុខនេះ។

លោក Felix Agustin Gonzalez Dalmas ​ដែលជាជំនួយការគ្រូ​បង្វឹក​ថ្មី​របស់​ជម្រើស​ជាតិ​កម្ពុជា លោក Keisuke Honda ​នោះ ​បាន​ទៅ​មើល​សមត្ថភាព​កីឡាករ​កាល​ពី​ចុង​សប្ដាហ៍​មុន ដើម្បីជ្រើសរើសចូលក្រុមជម្រើសជាតិ សម្រាប់ត្រៀមប្រកួតមិត្តភាពអន្តរជាតិជាមួយជម្រើសជាតិម៉ាឡេសុី។​ គោព្រៃ​កម្ពុជា ​នឹង​ចាប់​ផ្ដើម​ប្រមូល​ផ្ដុំ​នៅ​ថ្ងៃ​ទី​៣ ​ខែ​កញ្ញា​ ខាង​មុខ ស្របពេលដែលគ្រូបង្គោលជ Honda ​បាន​មកបង្វឹក​ផ្ទាល់​ឬ​យ៉ាង​ណា​នោះនៅមិនទាន់ដឹងនៅឡើយ ព្រោះ​បច្ចុប្បន្នបុរសជនជាតិ​ជប៉ុនរូបនេះ ​កំពុង​ប្រកបអាជីព​ជាកីឡាករឱ្យ​ក្លិប​នៅប្រទេស​អូស្ត្រាលី។

យើងរង់ចាំមើលថា តើកីឡាកររបស់ក្លិប សូលទីឡូអង្គរ អាចជាប់ជម្រើសជាតិខ្លះដែរទេ? បើក្លិបរបស់គ្រូបង្វឹកថ្មីនេះ ហាក់បីដូចជាមិនសូវល្អសោះ ហើយប្រកួតចុងក្រោយចាញ់ វិសាខា ២ទល់១ ខណ:ដែលការប្រកួត​មិត្តភាព​ជាមួយ​ក្រុមជម្រើសជាតិ ​ម៉ាឡេស៊ី​ នឹងចាប់ផ្តើមនៅ​ថ្ងៃ​ទី​១០ ​ខែ​កញ្ញា​ ឆ្នាំ​២០១៨ ខាងមុខ៕

មតិយោបល់