ក្រុម Stoke City របស់អង់គ្លេសមានចំណាប់អារម្មណ៍ចង់បានខ្សែប្រយុទ្ធ Nani របស់ក្លឹប Fenerbahce របស់ទួគី បន្ទាប់ឃើញទម្រង់លេងរបស់កីឡាករសញ្ជាតិព័រទុយហ្គាល់រូបនេះល្អនៅព្រឹត្តិការណ៍ Euro 2016 ។
លោក Mark Bowen ជំនួយការអ្នកចាត់ការរបស់ Stoke បានបញ្ជាក់ថាក្លឹបរបស់លោក ព្យាយាមទាក់ទងទិញ Nani មកលេងនៅអង់គ្លេសវិញហើយ នៅរដូវកាលខាងមុខនេះ។ លោក Mark បានបន្ដថា៖ “គាត់ជាកីឡាករនាំលេងល្អ ហើយគាត់តែងតែជួយក្រុមបានច្រើន។ វាមិនមានអ្វីប្លែកទេ ដែលយើងចង់បានគាត់មកលេងនៅអង់គ្លេស… គាត់ចាកចេញពី Man Utd លឿនពេកហើយ”។
កីឡាករវ័យ ២៩ឆ្នាំខាងលើនេះមិនត្រឹមតែ Stoke មួយទេ ដែលចង់បាន ពោលគឺមានក្លឹបជាច្រើនកំពុងចរចាទិញយករូបគេ បន្ទាប់ពីអតីតកីឡាករ Manchester United រូបនេះ ស៊ុតបាន២គ្រាប់ និងជួយក្រុមឡើងដល់វគ្គពាក់កណ្ដាលផ្ដាច់ព្រ័ត្រពានរង្វាន់ Euro 2016 ៕
មតិយោបល់