កីឡាករអាល្លឺម៉ង់ Mesut Ozil បានប្រៀបធៀបខ្លួនឯងទៅនឹងកីឡាករ Cristiano Ronaldo ដោយបានបញ្ជាក់ថារូបគេនិងកីឡាករសញ្ជាតិព័រទុយហ្គាល់មានមហិច្ឆតាធំដូចគ្នា ពោលគឺចង់លើកពាន Euro ឆ្នាំនេះ។

Ozil បានប្រាប់ដល់វិបសាយ L’Equipe ថា៖ “Ronaldo គាត់មានមហិច្ឆតាធំ ប៉ុន្តែខ្ញុំក៏ចឹងដែរ។ ខ្ញុំជោគជ័យខ្លាំងដូចគ្នានៅលើទីលាន ខ្ញុំចង់ជោគជ័យបន្ដទៀតសម្រាប់អ្វីដែលខ្ញុំចង់បាន។ អំឡុងពេលខ្ញុំលេងជាមួយគាត់នៅ Real ខ្ញុំបានឃើញគាត់តែងតែចង់ឈ្នះគ្រប់យ៉ាង សូម្បីតែនៅកន្លែងហ្វឹកហាត់។ សម្រាប់ខ្ញុំ ខ្ញុំមិនចង់រកគ្រាប់បាល់ដូចគាត់ទេ ព្រោះខ្ញុំមិនមែនខ្សែប្រយុទ្ធដូចគាត់។ តែអ្វីដែលដូចគ្នា គឺយើងចង់ឈ្នះពានរង្វាន់”។

Ozil បានជួយអាល្លឺម៉ង់ឡើងដល់វគ្គពាក់កណ្ដាលផ្ដាច់ព្រ័ត្រពានរង្វាន់ Euro 2016 នេះ ដោយត្រូវប៉ះជាមួយក្រុមម្ចាស់ផ្ទះបារាំង ខណៈដែល Ronaldo វិញ ក៏បានជួយព័រទុយហ្គាល់ឡើងដល់វគ្គនេះដូចគ្នា ដោយត្រូវប៉ះជាមួយក្រុមជម្រើសជាតិវែល។ ចាំមើលតើ២នាក់នេះ នរណាអាចជួយក្រុមជម្រើសជាតិខ្លួនឡើងដល់វគ្គផ្ដាច់ព្រ័ត្រ?